ဒါကာ၊ဇန်နဝါရီ ၂၇
ဘင်္ဂလားဒေ့ရှ် ရေတပ်သင်္ဘော Samudra Joy သည် ပါကစ္စတန်နိုင်ငံ ကရာချီတွင် ဖေဖော်ဝါရီ ၇ ရက်မှ ၁၁ ရက်အထိပြုလုပ်မည့် နိုင်ငံပေါင်းစုံရေကြောင်းလေ့ကျင့်မှု “EXERCISE AMAN-25” ၏ ၉ ကြိမ်မြောက်လေ့ကျင့်ရေးတွင်ပါဝင်မည်ဖြစ်ကြောင်းသိရသည်။
အဆိုပါသင်္ဘောသည် တနင်္ဂနွေနေ့တွင် နိုင်ငံအရှေ့တောင်ပိုင်း စစ်တကောင်းရှိ ရေတပ်အခြေစိုက်စခန်းမှထွက်ခွာသွားချိန်တွင် အကြီးတန်းရေတပ်အရာရှိများနှင့် သင်္ဘောသားများ၏ မိသားစုများရှေ့၌ နှုတ်ဆက်ပွဲပြုလုပ်ခဲ့သည်ဟုလည်းသိရသည်။
အဆိုပါသင်္ဘောတွင် အရာရှိ ၃၃ ဦးနှင့် ဗိုလ်လောင်း ၅၈ ဦးအပါအဝင် ရေတပ်သင်္ဘောသားစုစုပေါင်း ၂၇၄ ဦးသည် Samudra Joy ၏ကွပ်ကဲရေးမှူး Md Shahriar Alam ဦးဆောင်မှုဖြင့် နိုင်ငံတကာရေကြောင်းလေ့ကျင့်မှုတွင်ပါဝင်သွားမည်ဖြစ်ကြောင်းသိရသည်။
ပါကစ္စတန်သို့သွားမည့် ၎င်း၏ခရီးစဉ်အတွင်း အဆိုပါရေတပ်သင်္ဘောသည် သီရိလင်္ကာနိုင်ငံ ကိုလံဘိုနှင့် မော်လ်ဒိုက်နိုင်ငံများသို့ပါ ချစ်ကြည်ရေးခရီး သွားရောက်မည်ဖြစ်သည်။ဘင်္ဂလားဒေ့ရှ်ရေတပ်သည် ယခင် ၂၀၀၇၊၂၀၀၉ နှင့် ၂၀၁၃ ခုနှစ်များကလည်း EXERCISE AMAN တွင်ပါဝင်ခဲ့သေးသည်။
Source : ရှင်းဟွာ