ဖွဲ့စည်းပုံအခြေခံဥပဒေအရ နိုင်ငံသားတိုင်းသည် ဥပဒေဖြင့်ပြဌာန်းသည့် မသင်မနေရအခြေခံပညာများအား သင်ကြားရမည်ဟု နစက ဥက္ကဋ္ဌပြော
ဖွဲ့စည်းပုံအခြေခံဥပဒေပုဒ်မ ၃၆၆ အရ“နိုင်ငံသားတိုင်းသည် နိုင်ငံတော်ကချမှတ်ထားသည့် ပညာရေးဆိုင်ရာမူဝါဒများနဲ့အညီ (က)ပညာသင်ကြားပိုင်ခွင့်ရှိသည် (ခ)ဥပဒေဖြင့်ပြဋ္ဌာန်းသည့် မသင်မနေရအခြေခံပညာများကို သင်ကြားရမည်”ကို ပြဋ္ဌာန်းထားပြီးဖြစ်သည်ဟု နစက ဥက္ကဋ္ဌကပြောသည်။
ဇူလိုင် ၂၃ ရက်ကပြုလုပ်သည့် ၂၀၁၉-၂၀၂၀ နှင့် ၂၀၂၁-၂၀၂၂ ပညာသင်နှစ်များတွင် တက္ကသိုလ်ဝင်စာမေးပွဲ၌ ထူးချွန်စွာအောင်မြင်ခဲ့ကြသည့် တပ်မတော်(ကြည်း၊ရေ၊လေ)စစ်သည်များ၊စစ်မှုထမ်းဆဲ၊စစ်မှုထမ်း ဟောင်း မိသားစုဝင်သားသမီးများ၊စစ်သည်အ စားခန့်အရပ်သားဝန်းထမ်းများ၏ သားသမီးများနှင့်ဘက်စုံပညာထူးချွန်လူငယ်များအား ဂုဏ်ပြုဆုချီးမြှင့်ခြင်းအခမ်းအနား၌ ပြောကြားခဲ့ခြင်းဖြစ်သည်။
ထိုသို့ ပြဋ္ဌာန်းထားပြီးဖြစ်ရာ ၂၀၂၂ ခုနှစ် တက္ကသိုလ်ဝင်တန်းစာမေးပွဲ အောင် မြင်သူများအပေါ်အခြေခံ၍ မြန်မာနိုင်ငံ၏ ပညာ ရေးအခြေအနေအား လေ့လာဆန်းစစ်ကြည့်ရာ ယနေ့ဆုချီးမြှင့်ပွဲသို့ တက်ရောက်လာသူများသည် ၂၀၁၀-၂၀၁၁ ပညာသင်နှစ်တွင် သူငယ် တန်း စတင်တက်ရောက်ခဲ့ပြီး ၁၁၈၇၃၉၂ ဦးရှိသည်ဟု ပြောသည်။
အဆိုပါ တက်ရောက်ခဲ့သူများမှ မူလတန်းအောင် မြင်၍ အလယ်တန်းအဆင့် ပဉ္စမတန်းသို့တက်ရောက်နိုင်သူ ၈၀၈၈၇၈ ဦးသာ အတန်းကူး ပြောင်းခဲ့သည်ကို တွေ့ရှိရသည်ဟု ပြောသည်။
ထို့ပြင် အလယ်တန်းအဆင့်မှအထက်တန်းအဆင့် နဝမတန်းသို့တက်ရောက်နိုင်သူ ၅၈၅၁၈၂ ဦး၊နဝ မတန်းမှတက္ကသိုလ်ဝင်တန်းတက်ရောက်နိုင်သူသည် ၂၃၂၁၄၈ ဦးရှိသည်ကိုလည်း တွေ့ရှိရသည်ဟု ပြောသည်။
“၂၀၂၁-၂၀၂၂ ပညာသင်နှစ်မှာ တက္ကသိုလ်ဝင်တန်းဖြေတဲ့အခါမှာ ကျောင်းတွင်း၊ပြင်ပဖြေဆိုအင်အားက စုစုပေါင်း ၂၈၁၇၅၁ ယောက်ရှိပြီး အောင်မြင်သူ ၁၃၂၀၇၇ ယောက်ရှိတဲ့အတွက် အောင်မြင်မှု ရာခိုင်နှုန်း ၄၆ ဒသမ ၈၈ ရာခိုင်နှုန်းဖြစ်တာကိုတွေ့ရပါတယ်”ဟု နစက ဥက္ကဋ္ဌကပြော သည်။
ထို့ကြောင့် အတန်းကူးပြောင်းနိုင်မှုမရှိဘဲ လျော့ နည်းသွားသည့်အင်အားမှာ မူလတန်းတွင် ၃၁ ဒ သမ ၈၈ ရာခိုင်နှုန်းနှင့်အလယ်တန်းတွင် ၂၇ ဒသ မ ၆၅ ရာခိုင်နှုန်းရှိပြီး ၁၀ နှစ်ကာလအတွင်း၌ ပ ညာရေးအခြေအနေသည် မူလတန်းအဆင့်၊အ လယ်တန်းအဆင့်အားကျော်လွန်၍ အထက်တန်းအဆင့်၊တက္ကသိုလ်တက်ရောက်နိုင်သည့် အဆင့်ရှိသူ အလွန်နည်းပါးနေသည်ကို တွေ့ရှိရသည်ဟု ပြောသည်။
“အဲဒီလို ဆယ်စုနှစ်များစွာဆိုရင် နိုင်ငံအတွက်လို အပ်တဲ့ ပညာတတ်အင်အားများစွာ လိုအပ်ချက်ရှိနေတာကို သုံးသပ်တွေ့ရှိရပါတယ်”ဟု နစက ဥက္ကဋ္ဌကပြောသည်။
