အွန်လိုင်းအလိ-မ်အညာလုပ်ငန်းများကို အရှိန်မြှင့်နှိမ်နင်းနေသည့် ဖိလစ်ပိုင်နိုင်ငံသည် မြို့တော်မနီလာရှိ တရုတ်လူမျိုးပိုင် ဂိမ်းစင်တာတစ်ခုကို ဝင်ရောက်စီးနင်းခဲ့ပြီး လူ ၄၀၀ ကျော်ကို ဖမ်းဆီးခဲ့ကြောင်း သိရသည်။
အာဏာပိုင်များသည် ဖိလစ်ပိုင်လူမျိုး ၃၀၇ ဦး၊ တရုတ်လူမျိုး ၁၃၇ ဦး၊ ဗီယက်နမ် သုံးဦး၊ ထိုင်း နှစ်ဦး၊ မလေးရှား နှစ်ဦး၊ အင်ဒိုနီးရှားနှင့် ထိုင်ဝမ် တစ်ဦးစီကို ဖမ်းဆီးခဲ့သည်ဟု သမ္မတ၏ ရာဇဝတ်ဂိုဏ်းတိုက်ဖျက်ရေး ကော်မရှင်က ကြာသပတေးနေ့ညပိုင်းကသတင်းထုတ်ပြန်ချက်တွင် ဖေါ်ပြထားသည်။
ဖမ်းဆီးထားသူများကို ကနဦး တွေ့ဆုံမေးမြန်းမှုများအရ တရားမဝင် အွန်လိုင်းဂိမ်းလုပ်ငန်းသည် ရင်းနှီးမြုပ်နှံမှုဆိုင်ရာနှင့် အားကစားလောင်းကစားခြင်းများတွင် လိ-မ်လည်မှုများလုပ်နေပြီး တရုတ်နှင့် အိန္ဒိယနိုင်ငံသားများကို ပစ်မှတ်ထားလုပ်ဆောင်သည်ဟု ဆိုသည်။
ယခုကိစ္စနှင့် ပတ်သက်၍ မှတ်ချက်ပေးရန် တောင်းဆိုမှုကို မနီလာရှိ တရုတ်သံရုံးက လတ်တလောတွင် တုန့်ပြန်ဖြေကြားခြင်း မရှိသေးပေ။
အဓိကအားဖြင့် တရုတ်လေ-ာင်းကစားသမားများကို ဝန်ဆောင်မှုပေးသည့် လေ-ာင်းကစားကုမ္ပဏီများကို ပြီးခဲ့သည့်နှစ်တွင် ဖိလစ်ပိုင်က တရားမဝင်ဟု သတ်မှတ်ခဲ့သည်။ သို့သော်လည်း နိုင်ငံခြားသားများ ထောင်နှင့်ချီ၍ ပါဝင်ပတ်သက်နေသော ယင်းလုပ်ငန်းများသည် နိုင်ငံတွင် ဆက်လက်တည်ရှိနေပြီး ပြည်နှင်ဒဏ်ပေးခံရနိုင်သည်ဟု အစိုးရက ပြောဆိုသည်။
Ref: ဘန်ကောက်ပို့စ်