ကချင်ပြည်နယ်၊ ဖားကန့်မြို့နယ်၊ နမ့်မှော်ကျေးရွာရှိ မြေစာပုံဟောင်းလုပ်ကွက်တစ်ခု၌ မြေစာပြိုကျရာမှ ရေမဆေးရှာဖွေသူ (၂)ဦးေ-သဆုံးပြီး (၁)ဦးထိခိုက်ဒ-ဏ်ရာရရှိခဲ့ကြောင်း ဖားကန့်သတင်းရင်းမြစ်တစ်ဦးထံက သိရသည်။
အဆိုပါ ဖြစ်စဉ်မှာ ယမန်နေ့ ညနေ (၄) နာရီခန့်က လုပ်ငန်းခွင်ကျင်းသိမ်းချိန်၌ မြေဇာပုံပြိုကျခဲ့ခြင်းဖြစ်ပြီး ဖြစ်စဉ်ဖြစ်ပွားရာသို့ ဘတ်ဟိုးများဖြင့် တူးဖော်ရှာဖွေခဲ့သော်လည်း (၂)ဦးမှာ ေ-သဆုံးရုပ်အလေ-ာင်းများကိုသာ တွေ့ရှိခဲ့ကြောင်း ဆိုသည်။
ဖြစ်စဉ်အတွင်း ဒ-ဏ်ရာရရှိသူတစ်ဦးမှာ အသက်(၁၄)နှစ်အရွယ် ယောင်္ကျားလေးတစ်ဦးဖြစ်ကြောင်း သိရသည်။
“နမ့်မှော်က ပအိုပ့်မြေစာပုံအဟောင်းမှာ ဖြစ်တာပါ။ ကုမ္မဏီက ကျင်းသိမ်းချိန်မြေစာပြိုကျတော့ ရေမဆေးရှာနေတဲ့ သူတွေပါသွားတာပါ။ ေ-သဆုံးသူတွေက အခုလက်ရှိ မော်လကင်နဲ့ မြေနီကုန်းမှာနေကြတဲ့သူတွေပါ” ဟု ဒေသခံတစ်ဦးက ဆိုသည်။
ပြီးခဲ့သည့် အောက်တိုဘာ (၃) ရက်ကလည်း ဖားကန့်မြို့နယ်၊ မှော်စီစာကျေးရွာ၊ သာယာကုန်းရှိ ကျောက်စိမ်းလုပ်ကွက်တစ်ခု မြေစာပုံပြိုကြရာမှ အမျိုးသားတစ်ဦးေ-သဆုံးပြီး တစ်ဦးပြင်းထန်ဒ-ဏ်ရာရရှိခဲ့ကြောင်း သိရသည်။
ဓာတ်ပုံ-အောင်ဇော်မိုး ဖားကန့်