ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့မှကြီးမှူး၍ (၁၇)ကြိမ်မြောက် မြန်မာ့ရိုးရာထမနဲထိုးပြိုင်ပွဲအား ဖေဖော်ဝါရီ ၁၁ ရက်ညနေ ၄ နာရီက ရွှေတိဂုံစေတီတော်အရှေ့ဘက်အောက်ပစ္စယာရှိ ထန်းပင်ကုန်းကွင်း၌ကျင်းပရာ အသင်းပေါင်း(၃၂)သင်းဝင်ရောက်ယှဉ်ပြိုင်ခဲ့ကြောင်း သိရသည်။
ပြိုင်ပွဲကို ရန်ကုန်တိုင်းဝန်ကြီးချုပ်ဦးစိုးသိန်းတက်ရောက်၍ ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့အလှည့်ကျသဘာပတိ၊ တာဝန်ရှိသူများနှင့်အတူ ဖဲကြိုးဖြတ်ဖွင့်လှစ်ပေးခဲ့ကြောင်း သိရသည်။
ပြိုင်ပွဲ၌ လုပ်ငန်းမြို့ပြဌာနက ပထမဆု၊ ဓာတ်ပုံကန်ထရိုက်လုပ်ငန်းအဖွဲ့က ဒုတိယဆု၊ ဝန်ထမ်းရေးရာနှင့်မှတ်တမ်းဌာနက တတိယဆု၊ မေတ္တာပါရမီအသင်းက စတုတ္ထဆု၊ အထက်ပစ္စယံအသင်းက ပဉ္စမဆုရရှိခဲ့ကြပြီး နှစ်သိမ့်ဆုများကို ပေါင်းမြက်သန့်ရှင်းရေးအသင်း၊ ပြတိုက်ပြခန်းဌာန၊ ဥပဒေရုံးများဆိုင်ရာဝတ်အသင်းနှင့် စီမံအုပ်ချုပ်ရေးဌာနတို့ကရရှိခဲ့ကြကြောင်း သိရသည်။
အဆိုပါ (၁၇)ကြိမ်မြောက် မြန်မာ့ရိုးရာထမနဲထိုးပြိုင်ပွဲမှရရှိလာသည့် ထမနဲများအား ယနေ့ ဖေဖော်ဝါရီ ၁၂ ရက်(တပိုတွဲလပြည့်နေ့)တွင် မြတ်စွာဘုရားနှင့်သံဃာတော်များအားအရုဏ်ဆွမ်းဆက်ကပ်ခြင်း၊ ဘုရားအမှူးပြုသောသံဃာတော် (၆၄)ပါးအား ထမနဲဆွမ်းတော်ကြီးလောင်းလှူခြင်း၊ အလှူရှင်များအားဒါနပြုခြင်းနှင့် ၇ ရက် သားသမီးများအားဝေငှကုသိုလ်ပြုခြင်းများပြုလုပ်ခဲ့ကြကြောင်း သိရသည်။