ပြန်ကြားရေးဝန်ကြီးဌာန ပြန်ကြားရေးနှင့်ပြည်သူ့ဆက်ဆံရေးဦးစီးဌာန၏ ပြည့်သူစာကြည့်တိုက် ဝက်ဆိုဒ်ကိုလွှင့်တင်ထားရှိပြီးဖြစ်သည့်အတွက်စာအုပ်စာဆောင်များကို အွန်လိုင်းမှတဆင့် ဝင်ရောက်ကြည့်ရှုနိုင်ပြီဖြစ်ကြောင်း ယနေ့ ဩဂုတ်(၅)ရက်တွင် အသိပေးထားသည်။
စာကြည့်တိုက် အသုံးပြုသူများအား ပိုမိုလျင်မြန်စွာ ဝန်ဆောင်မှုပေးနိုင်ရန်အတွက် Digital Library Management System (DLMS) ရေးဆွဲ၍ ပြည်သူ့စာကြည့်တိုက် Website ကို www.publiclibrary.gov.mm လိပ်စာဖြင့် လွှင့်တင်ထားရှိခြင်းဖြစ်ကြောင်း သိရသည်။
ဝက်ဆိုဒ်မှတဆင့် Online Public Access Catalogue (OPAC)ဖြင့် ပြည်သူ့စာကြည့်တိုက်များရှိ စာအုပ်စာစောင်များအား Online မှဝင်ရောက်ရှာဖွေနိုင်ခြင်း၊ နေ့စဉ်ထုတ်သတင်းစာများအား ဝင်ရောက်ဖတ်ရှုနိုင်ခြင်း၊ e-Resources များ ဝင်ရောက်ဖတ်ရှုခြင်းများကို ဆောင်ရွက်နိုင်ပြီးလည်းဖြစ်ကြောင်းသည်။
လက်ရှိနိုင်ငံတစ်ဝန်း၌ ပြည်သူ့စာကြည့်တိုက်ပေါင်း (၄၀၀) ကျော်ဖွင့်လှစ်ထားပြီး၊ စာကြည့်တိုက်ပေါင်း (၁၅၈) တိုက်တွင် DLMS စနစ်ကိုအသုံးပြု၍ ပြည်သူများအား စာကြည့်တိုက်ဝန်ဆောင်မှုပေးလျက်ရှိပြီး ပြည်သူ့စာကြည့် တိုက်များ အားလုံးတွင် DLMS စနစ်ဖြင့် ဝန်ဆောင်မှုပေးနိုင်ရေး ဆက်လက်ဆောင်ရွက်သွားမည်ဖြစ်ကြောင်း သိရသည်။
ပြည်သူ့စာကြည့်တိုက်များတွင် လစဉ်သုတ/ရသ စာအုပ်များ၊ အပျော်ဖတ်ဝတ္ထု၊ မဂ္ဂဇင်း၊ ဂျာနယ်နှင့် နေ့စဉ်ထုတ်သတင်းစာများ ဝယ်ယူဖြည့်ဆည်းထားရှိပြီး ပြည်သူများ အခမဲ့ဖတ်ရှုနိုင်မှာလည်း ဖြစ်သည်။