ပြည်ပသို့ ပဲ ၊ ပြောင်း၊ နှမ်းတင်ပို့သူများ ပို့ကုန်လိုင်စင် လျှောက်ထားမှု ကန့်သတ်ချက်အား နစက ဖြေလျှော့ပေး

ပြည်ပသို့ ပဲ ၊ ပြောင်း၊ နှမ်းတင်ပို့သူများ ပို့ကုန်လိုင်စင် လျှောက်ထားမှု ကန့်သတ်ချက်အား နစက ဖြေလျှော့ပေး

ပြည်ပ ပဲမျိုးစုံ၊ ပြောင်းနှင့် နှမ်း တင်ပို့သူများအပေါ် ကန့် သတ်ထားမှုများထဲက ပို့ကုန် လိုင်စင် လျှောက်ထားရမည့် ကိစ္စကို နစကက ဖြေလျှော့ပေးလိုက်ပြီ ဖြစ်ကြောင်း မြန်မာနိုင်ငံ ပဲမျိုးစုံ၊ ပြောင်းနှင့် နှမ်းလုပ်ငန်းရှင်များ အ သင်းမှထုတ်ပြန်သည်။

အဆိုပါ ဖြေလျှော့ပေးမှုနှင့်ပတ်သက်သည့် သတင်း ထု တ်ပြန်ချက်ကို မြန်မာနိုင်ငံ ပဲမျိုးစုံ၊ ပြောင်းနှင့် နှမ်းလုပ် ငန်းရှင်များ အသင်းက ဩဂုတ်လ (၂၇) ရက် ရက်စွဲဖြင့် ထုတ်ပြန်ကြေညာခဲ့ခြင်း ဖြစ်သည်။

ယခင်က ပြည်ပသို့ ပဲမျိုးစုံ၊ ပြောင်း၊ နှမ်းနှင့် ဆီထွက် သီးနှံများ တင်ပို့ရာတွင် ပို့ကုန်လိုင်စင် လျောက်ထားရာတွင် မြန်မာနိုင်ငံ ပဲမျိုးစုံ၊ ပြောင်းနှင့် နှမ်းလုပ်ငန်းရှင်များ အသင်း၏ ထောက်ခံချက်ပါရှိမှသာ လိုင်စင်ထုတ်ပေးမည်ဟု ဩဂုတ်လ (၁) တွင် စီးပွားကူးသန်းဝန် ကြီးဌာနက ညွှန်ကြားချက် ထုတ်ပြန်ထားခြင်း ဖြစ်သည်။

ယခု အဆိုပါ ညွှန်ကြားချက်ပါ ထောက်ခံချက်ယူရမည် ကိစ္စအား လုပ်ဆောင်ရန်မလိုဘဲ လိုင်စင်‌ လျှောက်ထားနိုင်ကြောင်း ပြန်လည်ဖြေလျှော့ပေးလာခြင်း ဖြစ်သည်။

အဆိုပါ ဖြေလျှော့ပေးမှုအရ ဩဂုတ်လ (၂၉) ရက်မှ စတင်ကာ ပို့ကုန်လိုင်စင်လျှောက်ထားသူများအနေဖြင့် အသင်း၏ ထောက်ခံစာ ရယူခြင်း မပြုဘဲ လုပ်ဆောင်နိုင်ကြောင်း သိရသည်။

ပြီးခဲ့သည့် ဇူလိုင်လအတွင်းက နစက လက်အောက်ခံ စီး ပွားကူးသန်း ဝန်ကြီးဌာက ပြည်ပသို့ နယ်စပ် ကုန် သွယ်ရေး စခန်းများမှ  ပဲမျိုးစုံ၊ ပြောင်း၊ နှမ်းမြေပဲနဲ့  ဆီထွက်သီးနှံ တင်ပို့သူများအနေဖြင့် ပို့ကုန်ရငွေ လိုင်စင်နှင့်အတူ ပို့ကုန်ရငွေ ဘဏ်အထောက်အထားပြနိုင်မှသာ တင်ပို့ခွင့်ပြုမည်ဖြစ်ကြောင်း ညွှန်ကြားထားသည်။

ထို့အပြင် ပြည်ပသို့ နယ်စပ်ကုန်သွယ်ရေးစခန်းများမှ ပဲမျိုးစုံ၊ ပြောင်း၊ နှမ်းနှင့် ဆီထွက်သီးနှံ တင်ပို့သူများအနေ ဖြင့် ငွေပေး‌ ချေမှု လုပ်ဆောင်ရာတွင် ဒေါ်လာဖြင့်သာ ငွေပေးချေမှု လုပ်ဆောင်ရမည်ဖြစ်ပြီး အဆိုပါ ပို့ကုန် ရငွေများကို ဗဟိုဘဏ်၏ သတ်မှန်ရည်ညွှန်းဈေးဖြင့် နစက အစိုးရ လက်အောက်ခံ ဗဟိုဘဏ်ထံသို့ ပြန်လည်လဲလှယ်ရမည်ဟုလည်း ညွှန်ကြားထားခြင်း ဖြစ်သည်။