မန္တလေးတိုင်း၊ ပြင်ဦးလွင်မြို့၌ နိုင်ငံပိုင်ငှားရမ်းထားသည့် ရှေးဟောင်းအဆောက်အဦးများဖြစ်သော ဟိုတယ်များကို ခရီးသွားရာသီတွင် ခရီးသွားများလာရောက်တည်းခိုချိန်စိတ်ချမ်းသာစေရေးအတွက် ပြင်ဆင်မှုအချို့ကို ဟိုတယ်တိုင်းနီးပါးကဆောင်ရွက်လျက်ရှိသည်။
ထိုသို့ ဟိုတယ်အဆောက်အဦများ/အခန်းများမွမ်းမံပြင်ဆင်ထားမှု၊ ဧည့်သည်များလာရောက်တည်း ခိုနေထိုင်လျက်ရှိမှု၊ ဟိုတယ်ဆိုင်ရာဝန်ဆောင်မှုများပေးနိုင်ရန် ပြင်ဆင်ဆောင်ရွက်နေမှုနှင့် ဟိုတယ်များသန့်ရှင်းသာယာလှပရေးပြင်ဆင်ထားရှိမှုတို့ကို အားကစားနှင့်လူငယ်ရေးရာဝန်ကြီးဌာနနှင့် ဟိုတယ်နှင့်ခရီးသွားလာရေးဝန်ကြီးဌာန၊ ပြည်ထောင်စုဝန် ကြီး Jeng Phang ကကြည့်ရှုစစ်ဆေးခဲ့သည်။
ပြင်ဦးလွင်မြို့ရှိ ဟိုတယ်အဆောက်အဦးများသည်ရှေးဟောင်းအဆောက်အဦများဖြစ်၍ ဟိုတယ်အဆောက်အဦ၊ အခန်းများအားပြုပြင်မွမ်းမံရာတွင် ရှေးမူမပျက် အထူးဂရုပြုပြင်ဆင်ထိန်းသိမ်းရန်၊ လာရောက်တည်းခိုသည့် ဧည့်သည်များအား ဝန် ဆောင်မှုကောင်းများပေးနိုင်ရန်အစဉ်တစိုက်ကြိုး စားကြရန်တိုက်တွန်းပြောကြားသည်။
ထို့ပြင်ပြင်ဦးလွင်မြို့အား ခရီးသွားမြို့တော်၊ အားကစားမြို့တော်၊ ပန်းမြို့တော်၊ ကျန်းမာရေးမြို့ တော်၊ ကော်ဖီမြို့တော်ဖြစ်စေရေးအတွက်အကောင်အထည်ဖော်သည့် လုပ်ငန်းစဉ်များတွင် ဟိုတယ်လုပ်ငန်းဆောင်ရွက်သူများက ဝိုင်းဝန်းပူး ပေါင်းဆောင်ရွက်ကြရန် ပြင်ဦးလွင်မြို့သို့ ခရီး သွားဧည့်သည်များ ပိုမိုလာရောက်လည်ပတ်စေရေးအတွက် ကြိုးစားဆောင်ရွက်ရန်၊ အစိမ်းရောင်ဟို တယ်များဖြစ်စေရေးကြိုးစားကြရန်လည်း မှာကြားခဲ့သည်။