ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ(USDP) ၏ ပြည်သူ့လွှတ်တော်ကိုယ်စားလှယ်လောင်း ဦးမြထွန်းဦးအပါအဝင် USDP ပါတီ၏ လွှတ်တော်ကိုယ်စားလှယ်လောင်းများ ဝင်ရောက်ယှဥ်ပြိုင်ရွေးချယ်ခံခဲ့သည့် မန္တလေးတိုင်း၊ ပြင်ဦးလွင်မြို့နယ်၌ ရွေးကောက်ပွဲပြီး၍ မဲဆန္ဒရှင်များပေးထားသော မဲရလဒ်များအရ USDP ပါတီမှ အသာစီးရထားကြောင်း သိရသည်။
USDP ပါတီ၏ လွှတ်တော်ကိုယ်စားလှယ်လောင်းများသည် ပြည်သူ့လွှတ်တော်မဲဆန္ဒနယ်၊အမျိုးသားလွှတ် တော် (FPTP) မဲဆန္ဒနယ်နှင့် တိုင်းဒေသကြီးလွှတ်တော် (FPTP) မဲဆန္ဒနယ်တို့တွင် အခြားနိုင်ငံရေးပါတီများမှ လွှတ်တော်ကိုယ်စားလှယ်လောင်းများ၏ မဲရလဒ်ထက် ပိုမိုအသာစီးရထားကြောင်း သိရသည်။
ပြင်ဦးလွင်မြို့နယ်၌ USDP ပါတီကိုယ်စားပြု၍ ပြည်သူ့လွှတ်တော်ကိုယ်စားလှယ်လောင်းအဖြစ် ဦးမြထွန်းဦး၊ အမျိုးသားလွှတ်တော် (FPTP) ကိုယ်စားလှယ်လောင်းအဖြစ် ဦးဟိန်းမင်းဦးနှင့် တိုင်းဒေသကြီးလွှတ်တော် (FPTP) ကိုယ်စားလှယ်လောင်းအဖြစ် ဦးဝင်းဇော်တို့က ဝင်ရောက်ယှဥ်ပြိုင်ရွေးချယ်ခံခဲ့ကြသည်။