ပါရီ၊ ဖေဖော်ဝါရီ ၆
ပြင်သစ်နိုင်ငံမှ Mirage 2000 တိုက်လေယာဉ်များ၏ ပထမဆုံးအသုတ်သည် ယူကရိန်းနိုင်ငံသို့ ရောက်ရှိလာပြီဖြစ်ကြောင်း ပြင်သစ်ကာကွယ်ရေးဝန်ကြီး ဆီဘက်စ်တီးယန်း လက်ကော်နူး က ကြာသပတေးနေ့တွင် ပြောကြားခဲ့သည်။
အဆိုပါ တိုက်လေယာဉ်များကို ပြင်သစ်တွင် လအနည်းငယ် လေ့ကျင့်သင်ကြားခဲ့သော ယူကရိန်း လေတပ်မှ လေယာဉ်မှူးများက ပျံသန်းခဲ့ကြောင်း ၎င်းက ဆိုရှယ်မီဒီယာ X တွင် ရေးသားဖော်ပြခဲ့သည်။
သို့သော်လည်း ပြင်သစ်မှ ယူကရိန်းသို့ ယခုပို့ဆောင်သည့် ဂျက်လေယာဉ် အရေအတွက် သို့မဟုတ် စုစုပေါင်း ပို့ဆောင်မည့် အရေအတွက်ကို လက်ကော်နူး က အတိအကျ မဖော်ပြခဲ့ပေ။
ပြင်သစ်နေ့စဉ်သတင်းစာ လမွန်းဒ်၏အဆိုအရ ပြင်သစ်လေတပ်တွင် တိုက်လေယာဉ် အနည်းငယ်သာ ရှိပြီး၊ Mirage 2000-5 ဂျက်တိုက်လေယာဉ် 26 စီး၊ Mirage နှင့် Rafale လေယာဉ်အစီးရေ 200 သာပိုင်ဆိုင် ထားသည်ဟု သိရသည်။ သို့သော်လည်း အဆိုပါ တိုက်လေယာဉ်များသည် ပြင်သစ်နိုင်ငံအတွက် နေ့စဉ်တာဝန်ယူလုပ်ဆောင်ရမည့် တာဝန်အားလုံးကို ထမ်းဆောင်ရန် အတွက် လုံလောက် ယုံသာ ရှိသည်ဟု လမွန်းဒ် သတင်းစာက ပြောကြားခဲ့သည်။
၂၀၂၄ ခုနှစ် ဇွန်လ ၆ ရက်နေ့တွင် ပြင်သစ်သမ္မတ အီမန်နျူဝဲလ် မက်ခရွန် က ယူကရိန်းနိုင်ငံသို့ Mirage 2000-5 တိုက်လေယာဉ်များကို ထောက်ပံ့ပို့ဆောင်ပေးမည်ဟု ကြေညာခဲ့သည်။
Ref: ရှင်းဟွာ