ပဲခူးမြို့ရှိ ဟံသာဝတီရှေးဟောင်းယဥ်ကျေးမှုအမွေ အနှစ်များအား ပြန်လည်ဖော်ထုတ်နေ

ပဲခူးတိုင်း၊ ပဲခူးမြို့ရှိ ဟံသာဝတီရှေးဟောင်းယဉ် ကျေးမှုအမွေအနှစ်များကို ပြန်လည်ဖော်ထုတ်လျက်ရှိရာ ဟံသာဝတီမြို့ရိုး တောင်ဘက်ရှိ မိုးကောင်းတံခါးပေါက်အနီးမှ ကုန်းဘောင်တံခါးပေါက်အနီးထိ တစ်ဆက်တည်းမြို့ရိုးပြန်လည်ဖော်ထုတ်ထိန်းသိမ်းခြင်း၊ အရှေ့ဘက်ရှိ တောင်ငူတံ ခါးနှင့် အင်းဝတံခါးကြား မြို့ရိုးပြန်လည်ဖော်ထုတ်ထိန်းသိမ်းခြင်း၊ ကျုံးပြန်လည်တူးဖော်ထိန်းသိမ်းခြင်း၊ ကမ္ဘောဇသာဒီနန်းတော်ကြီးအား ဘက်စုံပြုပြင်မွမ်းမံခြင်းများကို ပြုလုပ်လျက်ရှိကြောင်း သိရသည်။

ထိုသို့ ဆောင်ရွက်နေမှုများအား ပဲခူးတိုင်းဝန်ကြီးချုပ်ဦးမျိုးဆွေဝင်းမှ ဧပြီ ၂၆ ရက်နံနက်ပိုင်းက ကြည့်ရှုစစ်ဆေးခဲ့ပြီး မြို့ရိုးဖော်ထုတ်ထိန်းသိမ်းရာတွင် တူးဖော်တွေ့ရှိသည့် အထောက်အထားများအား သက်ဆိုင်ရာပညာရှင်များ၏ အကြံဉာဏ်ရယူ၍ မည်သည့်အဆောက်အဦဖြစ်နိုင်သည်ကို အတည်ပြုရန်၊ မြို့ရိုးများဖော်ထုတ်ရာတွင် ရှေးမူလက်ရာများ ပျက်စီးမှုမရှိစေရေး အလေးထားဆောင်ရွက်ရန်၊ မြို့ရိုးဖော်ထုတ်ရာတွင် ကျုံးပတ်လမ်းဖော် ထုတ်ခြင်း၊ မြေညှိခြင်းများကိုတစ်ပါတည်း ဆောင်ရွက်ရန်တို့ကို မှာကြားသည်။

ထို့အတူ ကမ္ဘောဇသာဒီနန်းတော်ကြီး၏ ခေါင်မိုးများရေလုံဆေးသုတ်ခြင်းနှင့် ရေတလျောက်တပ်ဆင်ခြင်းအား မိုးရာသီမရောက်မီအပြီးဆောင်ရွက်ရန်၊ နန်းတော်အတွင်းရှိ တိုင်းလုံးကြီးများတွင် မြန် မာမှုတပ်ဆင်ခြင်းနှင့် ကြမ်းခင်းပြုပြင်ခြင်းတို့ကို သတ်မှတ်စံချိန်စံညွှန်းများနှင့်အညီဆောင်ရွက်ရန်တို့ကိုလည်း မှာကြားခဲ့သည်။