ဖေဖော်ဝါရီ၊ ၁၃
ရီပတ်ဘလစ်ကန်သမ္မတတက်လာပြီးနောက်ပိုင်း ပထမဆုံးတွေ့ဆုံမှုတွင် ရုရှားသမ္မတ ဗလာဒီမာပူတင်ကို ဆော်ဒီအာရေဗျတွင် တွေ့ဆုံရန် မျှော်လင့်ထားကြောင်း အမေရိကန်သမ္မတ ဒေါ်နယ်ထရမ့်ပ် က ဗုဒ္ဓဟူးနေ့တွင် ပြောကြားခဲ့သည်။
မော်စကိုက ယူကရိန်းကို ကျူးကျော်မှု အဆုံးသတ်ရေး အတွက်ခေါင်းဆောင်နှစ်ဦး ဆွေးနွေးခဲ့သည့် မိနစ် ၉၀ နီးပါးကြာ ဖုန်းပြောဆိုမှုအပြီးတွင် ထရမ့် က ထိုကဲ့သို့ မှတ်ချက်ပြုပြောကြားခဲ့ခြင်းဖြစ်သည်။
“နောက်ဆုံးမှာ ကျွန်တော်တို့ တွေ့ဆုံဖို့ မျှော်လင့်တယ်။ တကယ်တော့၊ သူဒီကိုလာမယ်လို့မျှော်လင့်တယ်၊ ကျွန်တော်လဲအဲဒီကိုသွားမယ်၊ ဆော်ဒီအာရေးဗျမှာပထမဆုံးအကြိမ်တွေ့ဆုံဖို့မျှော်လင့်ပါတယ်၊ တစ်ခုခုလုပ်ဆောင်နိုင်မလားဆိုတာကြည့်ကြမယ်” ဟု ထရမ့်ပ် က ဘဲဥပုံ ရုံးခန်း တွင် သတင်းထောက်များကို ပြောကြားခဲ့သည်။
တွေ့ဆုံပွဲကျင်းပမည့်ရက်စွဲကို မသတ်မှတ်ရသေး သော်လည်း “မဝေးလွန်းသောအနာဂတ်” တွင် ဖြစ်ပေါ်လာမည်ဖြစ်ကြောင်း ထရမ့်ပ် က ပြောကြားခဲ့သည်။ အစည်းအဝေးတွင် ဆော်ဒီအိမ်ရှေ့မင်းသား မိုဟာမက်ဘင်ဆာလ်မာန် ပါဝင်မည်ဟု ၎င်းက ပြောကြားခဲ့သည်။ “အိမ်ရှေ့မင်းသားကို ငါတို့သိတယ်၊ အဲ့မှာတွေ့ဆုံဖို့က အရမ်းကောင်းတဲ့ နေရာ ဖြစ်မယ်”ဟု ထရမ့်ပ် ကပြောဆိုခဲ့သည်။
ရုရှားနိုင်ငံ မော်စကိုသို့ အလည်အပတ်လာရောက်ရန် ရုရှားသမ္မတပူတင်က ထရမ့်ပ် နှင့် ၎င်း၏အစိုးရအရာရှိများကို ဖိတ်ကြားထားခဲ့ပြီး ယူကရိန်းအရေးနှင့် စပ်လျဉ်းသည့် ဆွေးနွေးရန် ရည်ရွယ်ထားကြောင်း ခရမ္မလင်ပြောရေးဆိုခွင့်ရှိသူ ဒီမီသရီ ပက်စ်ကော့ဖ် က ဗုဒ္ဓဟူးနေ့တွင် ပြောကြားခဲ့သည်။
“ရုရှားသမ္မတက အမေရိကန်သမ္မတကို မော်စကိုသို့လာရောက်လည်ပတ်ဖို့ ဖိတ်ကြားခဲ့ပြီး ယူကရိန်းငြိမ်းချမ်းရေးဆိုင်ရာဖြေရှင်းမှု ခေါင်းစဉ်အပါအဝင် အပြန်အလှန်စိတ်ဝင်စားတဲ့ နယ်ပယ်တွေမှာ အမေရိကန်အရာရှိတွေကို လက်ခံဆွေးနွေးဖို့ အဆင်သင့်ဖြစ်နေကြောင်း” ဟု ပက်စ်ကော့ဖ် က ပြောကြားခဲ့သည်။
ထရမ့်ပ်က “ငြိမ်းချမ်းရေးဆွေးနွေးပွဲများကို ချက်ချင်းစတင်မည်”ဟု ဗုဒ္ဓဟူးနေ့တွင် ဖိတ်ခေါ်ပြီးနောက် ၎င်းက ယူကရိန်းသည် ၎င်း၏နယ်မြေဒေသများကို ပြန်လည်ရရှိမည်မဟုတ်ကြောင်းနှင့် ၎င်းကြောင့် အတ္တလန်တိတ် နှစ်ဘက်စလုံးတွင် ရုတ်ရုတ်သဲသဲဖြစ်နိုင် ကြောင်း ပြောကြားခဲ့ သည်။
Ref: ပေါ်လစ်တီကို