မန္တလေးတိုင်း၊ ညောင်ဦးမြို့နယ်၊ ပုဂံရှေးဟောင်းယဥ်ကျေးမှုနယ်မြေရှိ ငလျင်ဒဏ်သင့်စေတီပုထိုး(၇၂)ဆူကို အိန္ဒိယနိုင်ငံ၏ Archaeological Survey of India (ASI)မှ အဆင့်(၃)ဆင့်ဖြင့်ထိန်းသိမ်းပြုပြင်လျက်ရှိရာ စီမံကိန်းပထမအဆင့်သည် ၂၀၂၄ ခုနှစ်၊ ဒီဇင်ဘာလတွင်ပြီးစီးခဲ့သည်။
ထိုသို့ ပထမအဆင့်ပြုပြင်ထိန်းသိမ်းပြီးခဲ့သော စေတီပု ထိုး(၁၁)ဆူ လုပ်ငန်း(၂၂)ခုအား ပုဂံမြို့တွင် မြန်မာနိုင် ငံဆိုင်ရာ အိန္ဒိယနိုင်ငံသံအမတ်ကြီး Mr. Abhay Thakur နှင့် သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီးဦးတင်ဦးလွင်တို့ရှေ့မှောက်တွင် လွှဲပြောင်းပေးအပ်ခဲ့သည်။
ထို့ပြင် ဒုတိယအဆင့်ဖြစ်သော ငလျင်ဒဏ်ခံရသည့် စေတီပုထိုး(၅၀)ခန့်၏ တည်ဆောက်ပုံဆိုင်ရာ ထိန်း သိမ်းခြင်း၊ ဓာတုဗေဒဆိုင်ရာထိန်းသိမ်းခြင်းနှင့် ပြန် လည်ပြုပြင်ခြင်းလုပ်ငန်းများကိုလည်း ASI အဖွဲ့ဝင် (၄)ဦးမှ ယခုနှစ် စက်တင်ဘာလတွင်စတင်ဆောင်ရွက်လျက်ရှိသည်။
ထိုသို့ ငလျင်ဒဏ်သင့်စေတီပုထိုး(၇၂)ဆူကို အဆင့်(၃) ဆင့်ဖြင့်ထိန်းသိမ်းပြုပြင်ခြင်းမှာ မြန်မာနိုင်ငံ၏ အဖိုးမဖြတ်နိုင်သော ဘာသာရေးဆိုင်ရာအမွေအနှစ်များကို ရေရှည်ထိန်းသိမ်းရန်၊ အိန္ဒိယနိုင်ငံနှင့် မြန်မာပြည်သူ များကြား ယဉ်ကျေးမှုနှင့် ကိုးကွယ်ယုံကြည်မှုဆိုင်ရာ ဆက်နွယ်မှုများခိုင်မာစေရန် အိန္ဒိယအစိုးရမှဆောင် ရွက်လျက်ရှိခြင်းဖြစ်သည်။
ထို့ပြင် အိန္ဒိယနိုင်ငံသည် grants-in-aid စီမံကိန်းများအတွက် အမေရိကန်ဒေါ်လာသန်း(၄၀၀)ကျော်၊ သယ် ယူပို့ဆောင်ရေးနှင့် ဆက်သွယ်ရေး၊ အိုင်တီ၊ ကျန်းမာ ရေးစောင့်ရှောက်မှု၊ ပညာရေး၊ စိုက်ပျိုးရေး၊ ဘေးအန္တ ရာယ်လျှော့ချရေး၊ ကျေးလက်ဒေသအခြေခံအ ဆောက်အအုံနှင့် စွမ်းရည်မြှင့်တင်ရေးစီမံကိန်း အမျိုးမျိုးအတွက် အမေရိကန်ဒေါ်လာသန်း(၇၅၀)ခန့်ကို သက်သာသောအတိုးနှုန်းဖြင့် မြန်မာနိုင်ငံကိုပေးအပ်ခဲ့သည်။
ထို့အတူ အိန္ဒိယနိုင်ငံသည် လာမည့်နှစ်များတွင် မြန်မာပြည်သူများ၏ လူမှုစီးပွားရေးဆိုင်ရာလိုအပ်ချက်များ ကိုဖြည့်ဆည်းပေးရန် တိုင်းနှင့် ပြည်နယ်များရှိ ကဏ္ဍအသီးသီးတွင်ဆက်လက်ပံ့ပိုးကူညီသွားမည်ဖြစ်သည်။