အမျိုးသားကာကွယ်ရေးနှင့်လုံခြုံရေးကောင်စီ၏ ၂၀၂၅ ခုနှစ် ကထိန်သင်္ကန်းဆက်ကပ်လှူဒါန်းပွဲကို ယ နေ့ အောက်တိုဘာ ၃၀ ရက်နံနက်ပိုင်းက နေပြည်တော်၊ ဒက္ခိဏသီရိမြို့နယ်၊ မာရဝိဇယဗုဒ္ဓဥယျာဉ်ဝတ္ထုကံတော်အတွင်းရှိ အဂ္ဂါဓိပတိသာသနာ့ဗိမာန်တော်ကြီး၌ ကျင်းပခဲ့ကြောင်း သိရသည်။
သန်လျင်မင်းကျောင်းဆရာတော်ကြီး၊ မန္တလေးမစိုးရိမ်တိုက်သစ်ဆရာတော်၊ ဥပ္ပါတသန္တိစေတီတော် ဂေါပကအဖွဲ့ ဩဝါဒါစရိယဆရာတော်ကြီးများအမှူးပြုသည့် ဆရာတော်ကြီး(၂၇)ပါးကြွရောက်တော်မူကာ မြန်မာနိုင် ငံတော်ယာယီသမ္မတ၊ နိုင်ငံတော်လုံခြုံရေးနှင့် အေး ချမ်းသာယာရေးကော်မရှင်ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်နှင့် ဇနီးဒေါ်ကြူကြူလှတို့တက်ရောက်ကြည်ညိုပူဇော်ခဲ့ကြကြောင်း သိရသည်။
သန်လျင်မင်းကျောင်းဆရာတော်ကြီးထံမှ နိုင်ငံတော်ယာယီသမ္မတနှင့် ဇနီး၊ တက်ရောက်လာကြသူများက ကိုးပါးသီလခံယူဆောက်တည်၍ ဆရာတော်ကြီးများက မေတ္တသုတ်ပရိတ်တရားတော်များကိုရွတ်ပွားခဲ့ကြပြီးနောက် ယာယီသမ္မတနှင့် ဇနီးတို့မှ သန်လျင်မင်းကျောင်းဆရာတော်ကြီး၊ ကထိန်အလှူခံကျောင်း နေ ပြည်တော်၊ ပုဗ္ဗသီရိမြို့နယ်၊ စိန်ရာဇာသာသနာလင်္ကာရ စာသင်တိုက်ဆရာတော်တို့ထံ ကထိန်လျာသင်္ကန်းနှင့် လှူဖွယ်ပစ္စည်းများကိုဆက်ကပ်လှူဒါန်းခဲ့ကြကြောင်း သိရသည်။
ထို့ပြင် ကော်မရှင်ဒု-ဥက္ကဋ္ဌနှင့် ဇနီးတို့မှလည်း မန္တလေးမစိုးရိမ်တိုက်သစ်ဆရာတော်ကြီး၊ တက်ရောက်လာကြသူများက ကြွရောက်တော်မူလာကြသည့် ဆရာတော်ကြီးများထံ ကထိန်သင်္ကန်းနှင့် လှူဖွယ်ပစ္စည်းများကို အသီးသီးဆက်ကပ်လှူဒါန်းခဲ့ကြပြီးနောက် တပ်ကုန်းမြို့၊ ငွေတောင်တောရကျောင်းတိုက် တိုက်အုပ်ဆရာ တော်နှင့် ပျဉ်းမနားမြို့၊ အုန်းတောကျောင်းတိုက်ဆရာ တော်တို့ထံမှ ကထိန်အမေးအဖြေများကိုနာယူကြည်ညိုပြီး မန္တလေးမစိုးရိမ်တိုက်သစ်ဆရာတော်ကြီးထံမှ က ထိန်အနုမောဒနာတရားနာယူ၍ လှူဒါန်းမှူအစုစုအတွက် ရေစက်သွန်းချအမျှပေးဝေခဲ့ကြကြောင်း သိရသည်။
အမျိုးသားကာကွယ်ရေးနှင့်လုံခြုံရေးကောင်စီ၏ ၂၀၂၅ ခုနှစ် ကထိန်သင်္ကန်းဆက်ကပ်လှူဒါန်းပွဲတွင် ပ ဒေသာပင်(၄၉)ပင်၊ ငွေကျပ်(၇၉၁,၉၁၀,၅၀)နှင့် လှူ ဒါန်းငွေကျပ်(၈၈၅,၉၉၃,၅၀) စုစုပေါင်းလှူဒါန်းမှုတန်ဖိုးငွေကျပ်(၁၆၇,၇၉၀,၄၀၀)ရှိကြောင်း သိရသည်။