လက်ရှိလည်ပတ်နေသော နျူကလီးယားဓာတ်ပေါင်းဖိုတစ်ခုအပြင် နောက်ထပ် ၁၉ ခုထပ်မံတည်ဆောက်ရန် ရည်ရွယ်ထားကြောင်း အီရန်နိုင်ငံခြားရေးဝန်ကြီး Abbas Araghchi က ပြောကြားသည်။
X လူမှုမီဒီယာပလက်ဖောင်းတွင် တင်ခဲ့သည့် မိန့်ခွန်းတွင် “အီရန်တွင် လက်ရှိတွင် Bushehr နျူကလီးယားစွမ်းအင်စက်ရုံ၌ ဓာတ်ပေါင်းဖိုတစ်ခုသာ လည်ပတ်နေပါသည်။ ကျွန်ုပ်တို့၏ ရေရှည်အစီအစဉ်မှာ အနည်းဆုံး နောက်ထပ် ၁၉ ခု တည်ဆောက်ရန်ဖြစ်ပြီး၊ ဆိုလိုသည်မှာ ဘီလီယံပေါင်းများစွာသော စာချုပ်များအတွက် အခွင့်အလမ်းများ ရှိနေပါသည်” ဟု သူကဆိုထားသည်။
အဆင့်မြင့် သံတမန်တစ်ဦး၏ ပြောကြားချက်အရ၊ အီရန်သည် အမေရိကန်နှင့် သိပ္ပံနှင့်နည်းပညာဆိုင်ရာ ပူးပေါင်းဆောင်ရွက်မှုကို တစ်ခါမျှ မကန့်ကွက်ခဲ့ကြောင်းသိရသည်။ ထို့အပြင် အီရန်နိုင်ငံခြားရေးဝန်ကြီး၏ စကားအရ “ကျွန်ုပ်တို့၏ စီးပွားရေးသည် ပြသထားသည့် ထရီလီယံဒေါ်လာတန်ဖိုးရှိသော အခွင့်အလမ်းများကို အမေရိကန်လုပ်ငန်းများအတွက် ဖွင့်လှစ်ပေးနိုင်သည်” ဟု ဆိုပြန်သည်။
အီရန်နိုင်ငံခြားရေးဝန်ကြီး Araghchi သည် ဧပြီလ ၂၁ ရက်တွင် Carnegie အပြည်ပြည်ဆိုင်ရာ နျူကလီးယားမူဝါဒညီလာခံတွင် မိန့်ခွန်းပြောကြားရန် မျှော်လင့်ထားသော်လည်း၊ ထိုသို့ပြောကြားမည့် အစီအစဉ်ကို ဖျက်သိမ်းခဲ့ရသည့် အကြောင်းရင်းမှာ ကျင်းပသူများက ယင်းပွဲအား အမေးအဖြေအင်တာဗျူးပွဲအဖြစ် ပြောင်းလဲရန် ကြိုးစားခဲ့သောကြောင့်ဖြစ်ကြောင်း X တွင် တင်ခဲ့သည့် ပို့စ်တစ်ခုတွင် သူက ရှင်းပြခဲ့သည်။
ရုရှား၏ Rosatom State Nuclear Energy Corporation ၏ CEO Alexey Likhachev ကလည်း ဖေဖော်ဝါရီလ ၂၁ ရက်တွင် ကုမ္ပဏီသည် အီရန်တွင် အခြားနျူကလီးယားစွမ်းအင်စက်ရုံတစ်ခု တည်ဆောက်ရန် ဆွေးနွေးနေကြောင်း ကြေညာခဲ့သည်။