နိုင်ငံရေးရည်မှန်းချက်နှစ်ချက်ဖြင့် ငြိမ်းချမ်းရေးဆွေးနွေးရန် ဖိတ်ခေါ်ခြင်းဖြစ်ဟု နစက ဥက္ကဋ္ဌပြော
နစက ဥက္ကဋ္ဌမှ တစ်နိုင်ငံလုံးထာဝရငြိမ်းချမ်းရေးရရှိရန် ငြိမ်းချမ်းရေးဆွေးနွေးပွဲများဖိတ်ခေါ်ဆောင်ရွက်နေခြင်းနှင့်ပတ်သက်၍ နစက အစည်း အဝေး(၅/၂၀၂၂)တွင် အမှာစကားပြောကြားရာ၌ ထည့်သွင်းပြောကြားခဲ့ခြင်းဖြစ်သည်။
“ငြိမ်းချမ်းရေးဆွေးနွေးပွဲနဲ့ပတ်သက်ပြီး ပြီးခဲ့တဲ့ ဧပြီလ ၂၂ ရက်က ကျွန်တော် ထာဝရငြိမ်းချမ်း ရေးကို အထောက်အကူရနိုင်ဖို့အတွက် ငြိမ်းချမ်းရေးဖိတ်ခေါ်မှုလုပ်ခဲ့တယ် အဲ့ဒီကြားထဲမှာပဲ NCA လက်မှတ်မထိုးရသေးတဲ့ အဖွဲ့ထဲမှာရော၊လက် မှတ်ထိုးပြီးသားအဖွဲ့ထဲမှာရော အစည်းအဝေးကို အကြောင်းအမျိုးမျိုးကြောင့် မတက်ဘူးလို့ သ ဘောထားထုတ်ပြန်ထားတဲ့အဖွဲ့တွေရှိတယ်”ဟု နစက ဥက္ကဋ္ဌကပြောသည်။
ထို့ပြင် မည်သည့်ပြောကြားမှုမှမရှိဘဲ ငြိမ်နေသည့်အဖွဲ့လည်းရှိကာ အဆိုပါ အဖွဲ့များထဲမှ အချို့မှာလည်း နစက ဥက္ကဋ္ဌ၏ငြိမ်းချမ်းရေးဆွေးနွေးပွဲအား တက်ရောက်ဆွေးနွေးချင်ကြသည်ဟု ပြော သည်။
“တစ်ကယ်ဆွေးနွေးတဲ့အခါမှာ သူတို့ထင်ထားသ လိုမဟုတ်ဘူး မဟုတ်တဲ့အခါကျတော့ ဒါဆိုရင်တော့ သူတို့သွားပြီးဆွေးနွေးလိုက်ရင် အကျိုးရှိမယ်ဆိုတဲ့ အမြင်မျိုးပေါ်လာတဲ့ တိုင်းရင်းသားလက်နက်ကိုင်အဖွဲ့အစည်းတွေလည်း ရှိပါတယ် တစ်ဖွဲ့ဆိုရင် ကျွန်တော့်ကိုကြားထဲမှာ ဆက်သွယ် ပါတယ် ဒါ့ကြောင့် ကျွန်တော်တို့တိုင်ပင်ပြီး သူတို့လာနိုင်အောင် ကြေညာချက်တစ်စောင်ထပ်ပြီး ထုတ်ပေးလိုက်ပါတယ်”ဟု နစက ဥက္ကဋ္ဌကပြော သည်။
ထို့ပြင် ငြိမ်းချမ်းရေးဖိတ်ခေါ်ခြင်း၌ ပါတီစုံဒီမိုကရေစီစနစ်ခိုင်ခိုင်မာမာကျင့်သုံးရေး၊ဒီမိုကရေစီနှိင့်ဖက်ဒရယ်စနစ်အား အခြေခံသည့်ပြည်ထောင်စု တည်ဆောက်ရေးဆိုသည့် ရည်မှန်းချက်နှစ်ခုနှင့် မျှော်မှန်းချက်နှစ်ခုရှိသည်ဟု ပြောသည်။
“ကျွန်တော်တို့က ဒီအပေါ်မှာခိုင်ခိုင်မာမာရပ် တည်ထားတဲ့အတွက် ဒီအပေါ်မှာအခြေခံပြီး ဘယ်လိုသဘောထားကွဲလွဲတဲ့ အဖွဲ့အစည်းမဆို ဆွေးနွေးလို့ရပါတယ် အထူးသဖြင့် လက်နက် ကိုင်တိုက်ခိုက်နေတဲ့အဖွဲ့တွေပေါ့”ဟု နစက ဥက္ကဋ္ဌကပြောသည်။
အလားတူ ဒီမိုကရေစီနှင့်ဖက်ဒရယ်စနစ်အား အ ခြေခံ၍ ပေါင်းစပ်ထားသည့် ပြည်ထောင်စုသို့သွားရာတွင် တူညီသည့် ဒီမိုကရေစီအခွင့်အရေးပေးထားကာ ဖက်ဒရယ်စနစ်တွင်လည်း အုပ်ချုပ်ရေးနှင့်ပတ်သက်သည့် လုပ်ပိုင်ခွင့်အား မျှဝေခွင့်ပြုခြင်းဖြစ်သည်ဟု ပြောသည်။
“ကမ္ဘာမှာရှိတဲ့ ဖက်ဒရယ်နိုင်ငံတွေ တစ်နိုင်ငံနဲ့တစ် နိုင်ငံနဲ့မတူကြဘူး ဒါကြောင့် ကျွန်တော်တို့ကမြန် မာနိုင်ငံနဲ့ လိုက်လျောညီထွေဖြစ်တဲ့ ဖက်ဒရယ်အုပ်ချုပ်ရေးစနစ်ကိုပဲ သွားမယ် အားလုံးကတော့ တူညီတဲ့အခွင့်အရေးရ ရမယ် ကျွန်တော်က ဒီလိုခံယူပြီးတော့ ပြောခြင်းဖြစ်ပါတယ်”ဟု နစက ဥက္ကဋ္ဌကပြောသည်။
> Daw Thet Wai:
🖼 Photo