မြန်မာနိုင်ငံအတွင်းသို့ တရားမဝင် ဝင်ရောက်လာပြီး Online လိမ်လည်မှုနှင့် ဒုစရို-က်မှုများကျူးလွန်ခဲ့ကြသည့် နိုင်ငံပေါင်း(၄၀)မှ နိုင်ငံခြားသား(၉,၅၅၁)ဦးကို ၂၀၂၅ ခုနှစ်၊ ဇန်နဝါရီ ၃၀ ရက်မှ ယနေ့ အောက်တိုဘာ ၂၂ ရက်အထိ ဖော်ထုတ်ထိန်းသိမ်းနိုင်ခဲ့ပြီးဖြစ်ကြောင်း သိရသည်။
ရန်ကုန်လေဆိပ်မှတစ်ဆင့်ဝင်ရောက်လာသော နိုင်ငံခြားသား အမျိုးသား(၈,၇၁၀)ဦးနှင့် အမျိုးသမီး (၇၉၆)ဦး(စုစုပေါင်း ၉,၅၀၆ ဦး)အနက် မြဝတီမြို့-ရွှေကုက္ကိုလ်နှင့် မဲ့ထော်သလေး(KK Park)နယ်မြေများသို့ ရောက်ရှိသွားသည့် နိုင်ငံခြားသား အမျိုးသား(၄၄)ဦးနှင့် အမျိုးသမီး(၁)ဦး(စုစုပေါင်း ၄၅ ဦး)တို့ကို စစ်ဆေးဖော်ထုတ်ထိန်းသိမ်းနိုင်ခဲ့ခြင်းအပါအဝင် နိုင်ငံပေါင်း (၄၀)မှ နိုင်ငံခြားသား အမျိုးသား(၈,၇၅၄)ဦးနှင့် အမျိုးသမီး(၇၉၇)ဦး (စုစုပေါင်း ၉,၅၅၁ ဦး)ကို ဖော်ထုတ်ထိန်းသိမ်းနိုင်ခဲ့ကြောင်း သိရသည်။
၎င်းတို့အား တာဝန်ရှိသူများကလိုအပ်သည့် ကိုယ်ရေးအချက်အလက်များ၊ မှတ်တမ်းများစာရင်းကောက်ယူ၍ မြန်မာ-ထိုင်း အမှတ်(၂)ချစ်ကြည်ရေးတံတားမှတဆင့်ပြည်နှင့် လွှဲပြောင်းပေးခဲ့ရာ ယနေ့ အောက်တိုဘာ ၂၂ ရက်အထိ နိုင်ငံခြားသား အမျိုးသား(၈,၅၆၀) ဦး၊ အမျိုးသမီး(၇၇၉) ဦး(စုစုပေါင်း ၉,၃၃၉ ဦး)တို့ကို သက်ဆိုင်ရာနိုင်ငံများမှ တာဝန်ရှိသူများထံပြည်နှင့် လွှဲပြောင်းပေးခဲ့ပြီးဖြစ်ကြောင်း သိရသည်။
ထို့အတူ ကျန်ရှိနေသည့် နိုင်ငံခြားသား အမျိုးသား (၁၉၄)ဦးနှင့် အမျိုးသမီး(၁၈)ဦး(စုစုပေါင်း ၂၁၂ ဦး)တို့သည်လည်း သက်ဆိုင်ရာနိုင်ငံများသို့ ထပ်မံလွှဲပြောင်းပေးရန်အသင့်ဖြစ်နေပြီဖြစ်၍ ကောင်းမွန်စွာ ထိန်းသိမ်းစောင့်ရှောက်ထားကြောင်း သိရသည်။