နိုင်ငံစီးပွားရေးဖွံ့ဖြိုးတိုးတက်ရေးအတွက် ကျပ်ဘီလီယံ ၄၀၀ ကို သီးသန့်ရန်ပုံငွေတစ်ရပ်ထူ ထောင်၍ ပထမဦးစားပေးအနေဖြင့် စိုက်ပျိုးရေးလုပ်ငန်းများဆောင်ရွက်ရာ၌ စီမံပေးသွားမည်
နစက ဥက္ကဋ္ဌကပြည်ထောင်စုအစိုးရအဖွဲ့လုပ်ငန်းဆောင်ရွက်ချက်များနှင့်စပ်လျဉ်းသည့် ညှိနှိုင်းအစည်းအဝေး(ဒုတိယနေ့)အား သြဂုတ် ၉ ရက်က နေပြည်တော်တွင် ဆက်လက်ပြုလုပ်ရာ၌ လမ်းညွှန်ပြောကြားခဲ့ခြင်းဖြစ်သည်။
နိုင်ငံစီးပွားရေးဖွံ့ဖြိုးတိုးတက်ရေးအတွက် စီမံ ကိန်းနှင့် ဘဏ္ဍာရေးဝန်ကြီးဌာနမှ အမျိုးသားသ ဘာဝဘေးအန္တရာယ်ဆိုင်ရာစီမံခန့်ခွဲမှုရန်ပုံငွေမှ ကျပ်ဘီလီယံ ၄၀၀ အားသီးသန့်ရန်ပုံငွေတစ်ရပ်ထူ ထောင်၍ စိုက်ပျိုးရေးလုပ်ငန်းများဆောင် ရွက်ရာ၌ ပထမဦးစားပေးအဖြစ် ယခုနှစ်နွေစပါးစိုက်ပျိုးမှုနှင့်ပဲတီစိမ်းစိုက်ပျိုးမှုများအတွက် နိုင်ငံတော်မှ ငွေကြေးစိုက်ထုတ်၍ တောင်သူများစိုက်ပျိုးရေး လုပ်ငန်းဆောင်ရွက်ရာတွင်လိုအပ်သည့် မြေဩ ဇာ၊ မျိုးနှင့်စက်မောင်းဆီများရရှိရေး စီမံဆောင်ရွက်ပေးသွားမည်ဟုပြောသည်။
“တိုင်းနဲ့ပြည်နယ်အလိုက် ဒေသတွင်းဝမ်းစာဖူလုံရေးဟာ အရေးကြီးပါတယ် ဒါ့ကြောင့် စပါးစိုက် ပျိုးတာကို ဦးစားပေးဆောင်ရွက်ပြီး တစ်ဧကချင်း အထွက်နှုန်းတွေ တိုးတက်အောင်ဆောင် ရွက်ကြဖို့လိုပါတယ်”ဟု နစက ဥက္ကဋ္ဌကပြောသည်။
အလားတူ စိုက်ဧကများမှထွက်ရှိလာသည့် စပါးများနှင့်ပဲတီစိမ်းများအား အစိုးရမှဦးစီး၍ ပြည်ပသို့တင်ပို့နိုင်ရေး စီစဉ်ဆောင်ရွက်သွားရန်လိုသည်ဟုပြောသည်။
“စပါးနဲ့ပဲတွေ ထွက်ရှိမှုအပေါ် မူတည်ပြီး အကျိုး အမြတ်တွေထဲက တောင်သူတွေအနေနဲ့ သင့် တော်တဲ့ အကျိုးခံစားခွင့်ရရှိမှာဖြစ်ပါတယ် အဲဒီလိုဆောင်ရွက်ခြင်းကြောင့် တောင်သူတွေအနေနဲ့ ငွေကြေးစိုက်ထုတ်ဖို့မလိုအပ်တာကြောင့် တောင်သူတွေရဲ့ လူမှုစီးပွားဘဝတွေ ဖွံ့ဖြိုးတိုးတက်လာမှာပါ”ဟု နစက ဥက္ကဋ္ဌကပြောသည်။
ထို့ကြောင့် စိုက်ပျိုးရေးနှင့်မွေးမြူရေးလုပ်ငန်းများအား အခြေခံသည့် ကုန်ထုတ်လုပ်မှုလုပ်ငန်းများကို အားပေးဆောင်ရွက်ရန်လိုသည်ဟုပြောသည်။
အစည်းအဝေးသို့ နစက ဒု-ဥက္ကဋ္ဌ၊ဒု-ဝန်ကြီးချုပ် ၊ဒု-ဗိုလ်ချုပ်မှူးကြီးစိုးဝင်း၊ ကောင်စီဝင်များ၊အ တွင်းရေးမှူးနှင့်တွဲဖက်အတွင်းရေးမှူး၊ပြည်ထောင် စုအဆင့်ပုဂ္ဂိုလ်များ၊ပြည်ထောင်စုဝန်ကြီးများ၊နေပြည်တော်ကောင်စီဥက္ကဋ္ဌ၊တိုင်းနှင့်ပြည်နယ်ဝန်ကြီးချုပ်များ၊ကိုယ်ပိုင်အုပ်ချုပ်ခွင့်ရဒေသဥက္ကဋ္ဌများ တက်ရောက်ခဲ့ကြသည်။