နယ်စပ်ဂိတ်များမှတဆင့် ပြည်ပသို့ပို့ကုန် တင်ပို့သူများအနေဖြင့် ရရှိသည့် ပို့ကုန်ရငွေကို ဘတ်နှင့် ယွမ်တို့ဖြင့် ပြန်လည်ပေးချေနိုင်ပြီး ၆၅ ရာခိုင်နှုန်းကို ဗဟိုဘဏ်မှ သတ်မှတ်ဈေးနှုန်းဖြင့် မြန်မာကျပ်ငွေသို့ လဲလှယ်ရမည်ဟု သိရသည်။
နိုင်ငံခြားသုံးငွေ ကြီးကြပ်ရေးကော်မတီ၏ (၆၆/ ၂၀၂၂) အစည်းအဝေး ဆုံးဖြတ်ချက်အရ ယင်းသို့ ဆုံးဖြတ်ခဲ့ခြင်းဖြစ်ပြီး ဒေါ်လာဖြင့် ငွေပေးချေမှု ပြုလုပ်ရန် အခက်အခဲရှိသည့် ပြည်ပပို့ကုန်အချို့ကို ယင်းကဲ့သို့ တရုတ်ယွမ် သို့မဟုတ် ထိုင်းဘတ်ငွေတို့ဖြင့် တစ်ခုခုဖြင့် ပေးချေရန် ခွင့်ပြုခဲ့ခြင်းဖြစ်ကြောင်း သိရသည်။
အဆိုပါ ပို့ကုန်များထဲတွင် ပဲမျိုးစုံ (ပဲတီစိမ်း၊ မတ်ပဲ၊ ကု လားပဲ၊ပဲစဉ်းငုံ)၊ ဆီထွက်သီးနှံ(မြေပဲ၊နှမ်း)၊ ပြောင်း၊ ရော် ဘာ၊ ရေထွက်ပစ္စည်း (ငါးမျိုးစုံ၊ ပုဇွန်၊ ဂဏန်း၊ ငါး ရှဉ့်)၊ တိရစ္ဆာန်နဲ့ တိရစ္ဆာန်ထွက်ပစ္စည်း (ကျွဲ၊ နွား၊ ဆိတ်အရှင်၊ သားရေ၊ အေးခဲအသား၊ အသားခြောက်) စသည့် ကုန်ပ စ္စည်းများ ပါဝင်ပြီး ယင်း ကုန်ပစ္စည်းများ၏ ပို့ကုန်ရငွေထဲမှ ၆၅ ရာခိုင်နှုန်းကို ဗဟိုဘဏ်မှတဆင့် ကျပ်ငွေဖြင့် ပြန်လည် လဲလှယ်ရမည်ဖြစ်သည်။
ထိုင်း – မြန်မာနယ်စပ်နှင့် တရုတ်နိုင်ငံသို့ အများဆုံးတင်ပို့နေသည့် အဆိုပါ ကုန်ပစ္စည်းများ၏ ပို့ကုန်ရငွေကို ဘတ်ငွေ သို့မဟုတ် ယွမ်ငွေဖြင့် ပြန်လည် လဲလှယ်ရောင်းချမည်ဆိုပါက လိုင်စင်လျှောက်ထားရန်လိုအပ်ပြီး ဗဟိုဘဏ် သတ်မှတ်နှုန်းအတိုင်း ဗဟိုဘဏ်သို့ ပြန်လည်ရောင်း ချပေးရမည် ဖြစ် သည်။
ယခင်က ပြည်ပပို့ကုန်သမားများအနေဖြင့် ကန်ဒေါ်လာဖြင့် ရရှိသည့် ပို့ကုန်ရငွေ၏ ၆၅ ရာခိုင်နှုန်းကိုသာ ပြန် လည်လဲလှည်ရန် ဗဟိုဘဏ်က ညွှန်ကြားထားခြင်းဖြစ်ပြီး လက်ရှိတွင် အဆိုပါ မူဝါဒအတိုင်း ဘတ်နှင့် ယွမ်ဖြင့် ရရှိသည့် ပို့ကုန်ရငွေ၏ ၆၅ ရာခိုင်နှုန်းကိုပါ လဲလှယ်ရန် ညွှန်ကြားခြင်း ဖြစ်သည်။
အဆိုပါ ပို့ကုန်ရငွေထဲမှ ကျန်ရှိသည့် ၃၅ ရာခိုင်နှုန်းကို ကိုယ်တိုင်အသုံးပြုခြင်း ၊ AD လိုင်စင်ရဘဏ်များသို့ ရောင်းချခြင်းနှင့် AD ဘဏ်မဟုတ်သည့် အခြားသူများထံ ရောင်းချခြင်းများကို လွတ်လပ်စွာ ဆောင်ရွက်နိုင်ကြောင်းလည်း ဗဟိုဘဏ်က ထုတ်ပြန်ထားခြင်း ဖြစ်သ ည်။
ယင်းသို့ လုပ်ဆောင်ရာတွင်လည်း ပို့ကုန်ရငွေ ဝင်ရောက်သည့်နေ့မှ ရက် (၃၀) အတွင်း ဆောင်ရွက်ရမည်ဖြစ်ပြီး ရက်(၃၀) ပြည့်၍ ကျန်ရှိနေသည့်ငွေများကို AD လိုင်စင်ရဘဏ်များမှတဆင့် ပြန်လည်ရောင်းချရမည်ဟု ညွှန်ကြားထားခြင်း ဖြစ်သည်။