နယ်စပ်ပြသနာများတွင် နှစ်နိုင်ငံပြည်သူများ သတင်းမှန် သိရှိရေးအရေးပါ

ထိုင်း-ကမ္ဘောဒီးယားကိစ္စနှင့်ပတ်သက်၍ ဇွန်လ၄ ရက် နေ့က ထိုင်းအစိုးရက ကြေညာချက် တစ်ရပ်ကိုထုတ်ပြန်ခဲ့သည်။

ထိုင်းနှင့် အာဆီယံအသိုက်အဝန်းအတွက် ငြိမ်းချမ်းသော နည်းလမ်းများကို အသုံးပြု၍ ပြဿနာအရပ်ရပ်ကို အရေးတကြီး ဖြေရှင်းသွားမည်အကြောင်း အဆိုပါ သတင်းထုတ်ပြန်ချက်တွင်ဖော်ပြထားသည်။ နှစ်နိုင်ငံ ဝန်ကြီးချုပ်များတို-က်ရို-က်ပြောကြားဆွေးနွေးပြီးဖြစ်ကြောင်း ပါဝင်သည်။

၂၀၂၅ ခုနှစ် မေလ ၂၈ ရက်နေ့တွင် ထိုင်းနိုင်ငံ အူဘွန် ရတ်ချ်ထနီပြည်နယ် ချောင်ဘောက်နယ်မြေတွင် ထိုင်းနှင့် ကမ္ဘောဒီးယားတပ်များ ထိတွေ့မှုဖြစ်ပွားရာမှ စတင်ခဲ့သည့်ပဋိပက္ခအပေါ် နှစ်နိုင်ငံလုံးက အချုပ်အခြာအာဏာနှင့် နယ်မြေပိုင်ဆိုင်မှုကို အပြည့်အဝကာကွယ်ရန် အရေးထားဆောင်ရွက်နေခြင်း ဖြစ်သည်။

နှစ်ဖက်စလုံးက အခြေအနေကို ပုံမှန်အတိုင်း ပြန်လည်ထူထောင်ရန်၊ မေလ ၂၉ ရက်နေ့တွင် နှစ်ဘက်တပ်မတော်ကာကွယ်ရေးဦးစီးချုပ်များ ဆွေးနွေးခဲ့သည့် ပူးတွဲနယ်နိမိတ်ကော်မရှင် (JBC)ယန္တရားကို အသုံးပြုရန်လည်း သဘောတူခဲ့ကြသည်။

ထို့အပြင် နှစ်နိုင်ငံပြည်သူများအကြား နားလည်မှုလွဲမှားမှုများကို တားဆီးရန်အတွက် နှစ်နိုင်ငံအစိုးရသည် ပြည်သူများကိုနားလည်မှုရှိအောင်သတင်းပေး ပြောဆိုရန် အရေးကြီးကြောင်းကိုလည်း နှစ်နိုင်ငံအစိုးရများက အလေးထားပြောကြားခဲ့သည်။

ကမ္ဘောဒီးယားသည် တရားစီရင်ရေးယန္တရား နှင့်ပတ်သက်ပြီး တတိယအဖွဲ့အစည်းကို အားပြုလိုပြီး ထိုင်းနိုင်ငံသည် လက်ရှိနှစ်နိုင်ငံ ယန္တရားများမှတစ်ဆင့် ကမ္ဘောဒီးယားနှင့် စေ့စပ်ညှိနှိုင်းရန် အဆင်သင့်ဖြစ်နေကာ နိုင်ငံတကာဥပဒေ၊ သက်ဆိုင်ရာ စာချုပ်များနှင့် သဘောတူညီချက်များဖြစ်သည့် မြေတိုင်းနှင့် နယ်နိမိတ် သတ်မှတ်ရေးဆိုင်ရာ နားလည်မှုစာချွန်လွှာ (MOU 2000)၊ ဂြိုလ်တုဓာတ်ပုံများ အပါအဝင် အထောက်အထားများကို အဆင်သင့်ပြင်ထားသည်ဟု ဆိုသည်။

လက်ရှိတွင် ထိုင်း-ကမ္ဘောဒီးယား နယ်စပ်တလျှောက် အခြေအနေသည် အလုံးစုံ တည်ငြိမ်နေပြီ ဖြစ်ကြောင်း ထိုင်းက အတည်ပြု ပြောကြာထားသည်။

ထိုင်းအစိုးရသည် ကမ္ဘောဒီးယားနှင့် စေ့စပ်ဆွေးနွေးခြင်းဖြင့် ယင်းကိစ္စကို ငြိမ်းချမ်းစွာ ဖြေရှင်းသွားမည်ဖြစ်ကြောင်း ကတိကဝတ်ကို ထပ်မံအတည်ပြုကြောင်း၊ အိမ်နီးချင်းကောင်းပီသရေး၊ နယ်စပ်ဒေသရှိ ပြည်သူများကျန်းမာရေးနှင့် ဘေးကင်းရေး၊ တသားတည်း ဖြစ်သည့်အာဆီယံမိသားစုအပေါ် အခြေခံ၍ ဤပြဿနာကို ထိုင်းနှင့် ကမ္ဘောဒီးယားတို့က ဖြေရှင်းနိုင်မည်ဟု ယုံကြည်ထားဆဲဖြစ်ကြောင်းဖော်ပြထားသည်။

ထိုင်းအစိုးရက ကမ္ဘောဒီးယားနိုင်ငံကို တင်းမာမှုများ လျှော့ချရန်နှင့် နှစ်နိုင်ငံပြည်သူများအကြား နားလည်မှုလွဲမှားခြင်းများမဖြစ်စေရန် ပြည်သူများကိုသတင်းမှန်ပေးနိုင်ရန် ကမ္ဘောဒီးယားကို တို-က်တွန်းထားသည်။

Ref: khaosod