နစကက အမေရိကန်ဒေါ်လာသန်း(၂၀၀) ကျော် ထောက်ပံ့ပေးမည်ဟုထုတ်ပြန်ပြီးနောက်ပိုင်း တစ်ရက်အတွင်း ရွှေဈေး (၇) သိန်း ဝန်းကျင် ပြုတ်ကျ
ဈေးကွက်အတွင်း ဈေးနှုန်းအဆမတန် မြင့်တက်လာသည့် ရွှေဈေးနှုန်းမှာ တစ်ရက်အတွင်း (၇) သိန်းဝန်းကျင် ပြုတ်ကျသွားကြောင်း သိရသည်။
ဩဂုတ်လ (၃၁) ရက်ဈေးကွက် ပေါက်ဈေး (၃၇) သိန်းအ ထိ မြင့်တက်ခဲ့သည့် အကယ်ဒမီ မီးလင်းရွှေဈေးနှုန်းမှာ ယနေ့ စက်တင်ဘာလ (၁) ရက် ဈေးဖွင့် ချိန်တွင် (၃၀) သိ န်းကျပ်ဖြင့် ဈေးစဖွင့်ကြောင်း ရန်ကုန်မြို့ရှိ နာမည် ကြီး ရွှေဆိုင်တစ်ဆိုင်မှ သိရသည်။
” သိန်း (၃၀) နဲ့ ဈေးဖွင့်ပြီးတော့ အရောင်းအဝယ် လုပ်ပေးပါတယ်။ ပြင်ပရွှေလည်း ဝယ်ပါတယ်” ဟု အဆိုပါရွှေဆိုင်မှ တာဝန်ရှိသူက ပြောသည်။
အဆိုပါဈေးနှုန်းမှာ ဈေးကွက်အတွင်း ပြင်ပရွှေအရောင်းဆိုင်များ၏ အဖွင့်ဈေးနှုန်းဖြစ်ပြီး ရွှေအသင်း ရည်ညွှန်းနှင့် (၁၀) သိန်းဝန်းကျင် ကွာဟနေခြင်းဖြစ်သည်။
ရန်ကုန်ရွှေအသင်းက စက်တင်ဘာလ (၁) ရက် နံနက်ပိုင်း ရည်ညွှန်းအဖွင့်ဈေးနှုန်းမှာ အကယ်ဒမီ မီးလင်းရွှေ (၁) ကျပ်သားလျင် (၂,၀၀၃,၀၀၀) ကျပ် ဈေးဖွင့်ထားပြီး အသင်း ဝင်များအနေဖြင့် အဆိုပါဈေးနှုန်းအတိုင်း ပြင်ပဒေါ်လာပေါက်ဈေးနှင့် အရောင်းအဝယ်ပြုလုပ်ကြောင်း သိရသည်။
ရန်ကုန်ဈေးကွက်အတွင်း နာမည်ကြီး ရွှေဆိုင်တစ်ဆိုင်ကလည်း ၎င်းတို့အနေဖြင့် အကယ်ဒီမီးလင်းရွှေ (၁) ကျပ်သားလျင် သိန်း(၃၂) ဖြင့် ဈေးဖွင့်ရောင်းချပေးနေကြောင်း သိရသည်။
” ရောင်းဈေးက (၃၂) သိန်းဈေးစဖွင့်ပါတယ်။ ဝယ်ဈေးက သိန်း (၃၀) ကနေ (၃၂) သိန်း ကြားထဲမှာဝယ်ပါတယ်” ဟု အဆိုပါ ရွှေဆိုင်မှ တာဝန်ရှိသူ တစ်ဦးက ပြောသည်။
ယနေ့ ဈေးကွက်အတွင်း နံနက်ပိုင်းအဖွင့်ဈေးနှုန်းအရ ၁၅”ပဲရည် (၁) ကျပ်သားလျင် (၂၈) သိန်းဝန်းကျင်ဖြင့် အရောင်း အဝယ်ပြုလုပ်ကြကြောင်းလည်း သိရသည်။
ပြီးခဲ့သည့် ဩဂုတ်လ တတိယပတ်အတွင်း (၁) ကျပ်သားလျင် (၂၅) သိန်းဝန်ကျင် အမြင့်ဆုံးဈေးတက်ခဲ့သည့် အခေါက်ရွှေဈေးနှုန်းမှာ ဩဂုတ်လ (၃၁) ရက်တွင် (၃၇) သိန်းအထိ စံချိန်တင် မြင့်တက်သွားခဲ့ပြီး တစ်ရက်အတွင်း (၇) သိန်း ဝန်းကျင် ပြန်ကျခဲ့ခြင်း ဖြစ်သည်။