ဒုတိယသမ္မတဦးညိုစောသည် ရုရှားနိုင်ငံ၊ ဗလာဒီဗော့စတော့မြို့တွင်ကျင်းပမည့် (၁၁)ကြိမ်မြောက် အရှေ့ဖျားစီးပွားရေးဖိုရမ်သို့တက်ရောက်ရန် ဗလာဒီဗော့စတော့မြို့၌ရောက်ရှိနေသည်။
ထိုသို့ ရောက်ရှိနေစဥ် စက်တင်ဘာ ၁ ရက်တွင် ဒုတိယသမ္မတဦးညိုစောက ရုရှားဖက်နိုင်ငံ ဒုတိယဝန်ကြီးချုပ် မစ္စတာ ယူရီပက် ထရိုဗစ်ချ် ထရုညက်ဖ်နှင့်တွေ့ဆုံခဲ့သည်။
တွေ့ဆုံစဥ် မြန်မာ-ရုရှားနှစ်နိုင်ငံဆက်ဆံရေး၊ ပညာ ရေးကဏ္ဍပူးပေါင်းဆောင်ရွက်ရေး၊ ထားဝယ်ရေနက်ဆိပ်ကမ်းနှင့် အထူးစီးပွားရေးဇုန်တည်ဆောက်ရေး၊ စွမ်းအင်၊ စီးပွားရေး၊ ကုန်သွယ်ရေးနှင့် ခရီးသွားကဏ္ဍတိုးမြှင့်အကောင်အထည်ဖော်ဆောင်ရေးနှင့် ဗလာဒီဗော့စတော့မြို့တွင် ရုရှားနိုင်ငံဆိုင်ရာ မြန်မာကောင် စစ်ဝန်ချုပ်ရုံးဖွင့်လှစ်နိုင်ရေးတို့ကို ဆွေးနွေးခဲ့ကြသည်။
ထို့ပြင် ဒုတိယသမ္မတ ဦးညိုစောသည် ရုရှားနိုင်ငံသမ္မ တ၏အကြံပေးနှင့် ဖိုရမ်ကျင်းပရေးကော်မတီ အမှု ဆောင်အတွင်းရေးမှူး မစ္စတာ အန်တွန် ကိုဗျာကော့ဗ်၊ ရော့စ်ကွန်ဂရက်စ် ငွေကြေးရန်ပုံငွေအဖွဲ့ ညွှန်ကြားရေးမှူး မစ္စတာ အလက်ဇန်းဒါး ရှတီရော့ဗ် နှင့်လည်းတွေ့ ဆုံဆွေးနွေးမှုများပြုလုပ်ခဲ့သည်။