ယခု ဒီဇင်ဘာလအတွက် တောင်သူများ အဓိကသုံးစွဲနေသည့် မြေသြဇာ (၃) မျိုး၏ ရန်ကုန်အထိုင်ဈေးများကို သတ်မှတ်ထုတ်ပြန် မြန်မာနိုင်ငံမြေဩဇာ၊မျိုးစေ့နှင့် စိုက်ပျိုးရေးဆေးလုပ်ငန်းရှင်များအသင်းမှ သတ်မှတ်ထုတ်ပြန်ထားသည်။
ယူရီးယားမြေသြဇာ ဝယ်ယူဖြန့်ဖြူးရောင်းချရေး ဦးဆောင်ကော်မတီက တောင်သူတွေ အဓိကသုံးစွဲနေသည့် မြေသြဇာ (၃) မျိုးအတွက် ဒီဇင်ဘာလ (၁) ရက်မှ (၃၁) ရက်အထိ ရန်ကုန်အထိုင်ဈေးများကို သတ်မှတ်ထုတ်ပြန်ခဲ့ပြီး ဈေးနှုန်းအပြောင်းအလဲမရှိကြောင်း ထုတ်ပြန်ထားသည့် ဈေးနှုန်းများအရ သိရသည်။
၎င်းတို့မှာ ယူရီးယားမြေသြဇာ (အလုံးကြီး) ၅၀ ကီလိုတစ်အိတ်လျှင် (၉၇,၀၀၀)ကျပ်၊ Rock Phosphate အခြေခံ ၁၅ ပတ်လည် ကီလိုတစ်အိတ်လျှင် (၁၂၄,၀၀၀) ကျပ်၊ Di Am monium Phosphate အခြေခံ ၁၅ ပတ်လည် ကီလိုတစ်အိတ်လျှင် (၁၃၇,၀၀၀) ကျပ် သတ်မှတ်ထားကြောင်း သိရသည်။
ဖော်ပြပါ ဈေးနှုန်းများသည် ရန်ကုန်အထိုင်လက်ကားဈေးများဖြစ်သဖြင့် ဒေသအလိုက် သယ်ယူစရိတ်အပေါ်မူတည်ပြီး ဈေးနှုန်းအနည်းငယ် ပြောင်းလဲနိုင်ပြီး ရည်ညွှန်းဈေး နှုန်းများနှင့်အညီ ရောင်းချခြင်းမရှိပါက တိုင်ကြာင်းနိုင်ကြောင်း အသိပေးထားသည်။