ထိုင်း-ကမ္ဘောဒီးယားနယ်စပ်ကိစ္စများနှင့်ပတ်သက်သည့်ဖြေရှင်းချက်ကို ထိုင်းတပ်မ​တော်က ထုတ်ပြန်

မေလ ၁၇ ရက်နေ့က ထိုင်းတပ်မ​တော် ​ဒေသ ၂ ကွပ်ကဲ​ရေးမှူး ဒုတိယဗိုလ်ချုပ်ကြီး Boonsin Phadklang က ထိုင်းပိုင်နက် အမှတ် (၇၄၅) တွင် ကမ္ဘောဒီးယားတပ်ဖွဲ့ဝင်များ နှင့် ထိ​တွေ့ပစ်ခတ်မှု့နှင့်ပတ်သက်၍  အချက်အလက်များကို  ဓာတ်ပုံအထောက်အထားများဖြင့် ထုတ်ပြန်ထားသည်။

Ubon Ratchathani ပြည်နယ်ရှိ အဆိုပါဖြစ်ရပ်တွင် က​မ္ဘောဒီးယားဖက်မှ ကတုတ်ကျင်းများတူးကာ အခြေစိုက်စခန်းတည်ဆောက်ရန် ပြင်ဆင်မှုများလည်း ပါဝင်ခဲ့သည်။

ထိုင်းနိုင်ငံမှ Suranaree Task Force သည် ကမ္ဘောဒီးယား တပ်မ​တော်ဖက်နှင့် ဆွေးနွေးခဲ့သည်။ အဆိုပါ ဆွေးနွေးပွဲအပြီးတွင် ကမ္ဘောဒီးယားဘက်မှ ကတုတ်ကျင်းတူးခြင်း လုပ်ငန်းများကို ရပ်တန့်ရန်နှင့် နယ်မြေမှ၎င်းတို့၏ တပ်ဖွဲ့များကို ရုပ်သိမ်းရန် သဘောတူညီခဲ့သည်။

အနာဂတ်တွင် နှစ်ဖက်စလုံးက လက်နက်မကိုင်ဘဲ တွေ့ဆုံရန် စီစဉ်ခဲ့ကြပြီး ပူးတွဲကင်းလှည့်ရေး အစီအစဉ်များကို ဆွေးနွေးခဲ့ကြသည်။

ချောင်အန်းမ နယ်စပ်ဈေးသည်လည်း ပုံမှန်အတိုင်း ဆက်လက်လည်ပတ်နေပြီး နယ်စပ်ဖြတ်ကျော်မှု ပိတ်ပါက နှစ်နိုင်ငံနိုင်ငံသားများကို ထိခို-က်စေနိုင်ကြောင်း ထိုင်းဒုတိယဗိုလ်ချုပ်ကြီး Boonsin မှ ပြောကြားခဲ့သည်။

ထိုင်း-ကမ္ဘောဒီးယားနယ်စပ်သည် အရှည် ၈၁၇ ကီလိုမီတာ ရှည်လျားပြီး အရှေ့မြောက်ဘက်ရှိ လာအိုနှင့်ပါထိစပ်လျှက်ရှိသည်။

ထိုင်းပိုင်နက်အတွင်း ကျန်ရှိ​နေခဲ့သည့်ဆူရင်ပြည်နယ်ရှိ ခမာအင်ပါယာဘုရင် သတ္တမ​မြောက်  ဂျာဝမန် က ၁၃ ရာစုတွင် တည်ဆောက်ခဲ့သော တမူးတုံ ဘုရားကျောင်းနားတွင်လည်း ​မေလဆန်းက အ​ခြေအ​နေတင်းမာခဲ့ကြ​သေးသည်။

Ref:Khaosod
Bangkokpost