ထိုင်းအစိုးရအဖွဲ့သစ်ကို ထိုင်းဘုရင် အတည်ပြု

ထိုင်းဘုရင်မင်းမြတ်သည် ဝန်ကြီးချုပ် အနူတင် ချန်ဗီရာကူလ်၏ ဝန်ကြီးအဖွဲ့သစ်ကို ထောက်ခံအတည်ပြုပေးလိုက်ကြောင်း သောကြာနေ့က ထုတ်ပြန်သည့် တော်ဝင်ပြန်တမ်းတွင် အသိပေးထုတ်ပြန်ခဲ့သည်။

အဆိုပါ ထောက်ခံချက်အရ ဝန်ကြီးအဖွဲ့ဝင်ဝန်ကြီးများသည် ၎င်းတို့၏ တာဝန်များကို မထမ်းဆောင်မီ နောက်ဆုံးအဆင့်ဖြစ်သော ပါလီမန်သို့ မူဝါဒရေးရာတင်ပြခြင်းမပြုမီတွင် ဘုရင်မင်းမြတ်၏ရှေ့မှောက်၌ကျမ်းသစ္စာကျိန်ဆိုနိုင်ကြပြီဖြစ်သည်။

ဝန်ကြီး ၃၆ ဦးပါဝင်သော ဝန်ကြီးအဖွဲ့တွင် မစ္စတာ အနူတင်က ပြည်ထဲရေးဝန်ကြီးတာဝန်ကိုလည်းယူထားသည်။

 အခြား အဓိကရာထူးများအတွက် ဘဏ္ဍာရေးဝန်ကြီးအဖြစ် အက်နီတီ နီထီထန်ပရာပတ်စ်၊ ကူးသန်းရောင်းဝယ်ရေးဝန်ကြီး ဆူဖာဂျီး ဆူထမ်ပွန်၊ နိုင်ငံခြားရေးဝန်ကြီး ဆီရာဆက် ဖူအန်ကက်ကော၊ စွမ်းအင်ဝန်ကြီး အွတ်တာပူလ် ရာကပီဘွန်းနှင့် သယ်ယူပို့ဆောင်ရေးဝန်ကြီး ပီပတ် ရတ်ချာကစ်ပရာကန်တို့ ပါဝင်သည်။

အသက် ၅၉ နှစ်အရွယ် မစ္စတာ အနူတင်သည် နိုင်ငံ၏ ပို့ကုန်နှင့် ခရီးသွားကဏ္ဍကို ခြိမ်းခြောက်နေသော ငွေကြေးမတည်ငြိမ်မှုကိုဖြေရှင်းရန် အစီအမံများအပြင် လူနေမှုစရိတ်ကြီးမြင့်မှုနှင့် အိမ်ထောင်စုကြွေးမြီအဆင့်များကို ကိုင်တွယ်ဖြေရှင်းရန် အာရုံစိုက်သွားမည်ဟု ကတိပြုထားသည်။

ပြီးခဲ့သည့်လတွင် ဝန်ကြီးချုပ်ဟောင်း ပေတုံတန် ရှင်နာဝပ်ထရာကို ကျင့်ဝတ်ဖောက်ဖျက်မှုဖြင့် ဖွဲ့စည်းပုံအခြေခံဥပဒေခုံရုံးက ရာထူးမှထုတ်ပယ်ရန် စီရင်ချက်ချပြီးနောက်တွင် Bhumjaithai ပါတီခေါင်းဆောင် အနူတင်ကို ထိုင်းနိုင်ငံ၏ ၃၂ ယောက်မြောက် ဝန်ကြီးချုပ်အဖြစ် စက်တင်ဘာလ ၅ ရက်‌နေ့တွင် ရွေးချယ်တင်မြှောက်ခဲ့သည်။

တင်းကျပ်သောသတ်မှတ်ချက်များနှင့် ကိုက်ညီပါက ပါလီမန်တွင် အမတ်နေရာ ၁၄၃ နေရာရရှိထားသည့် အင်အားအကြီးဆုံးအစုအဖွဲ့ဖြစ်သော အတို-က်အခံ ပြည်သူ့ပါတီက လူနည်းစု Bhumjaithai အစိုးရကို ထောက်ခံရန် သဘောတူထားသည်။ အဓိက သတ်မှတ်ချက်မှာ အစိုးရ၏ မူဝါဒအစီအမံများကို တင်ပြပြီး လေးလအတွင်း အောက်လွှတ်တော်ကို ဖျ-က်သိ-မ်းရမည်ဖြစ်ကာ ရွေးကောက်ပွဲသစ်ကို ဖေဖော်ဝါရီ သို့မဟုတ် မတ်လတွင် ကျင်းပရန် လမ်းခင်းပေးရမည်ဖြစ်သည်။

Ref: ဘန်ကောက်ပို့စ်