ထိုင်းနှင့် ကမ္ဘောဒီးယား နယ်စပ်အငြင်းပွားမှုဖြေရှင်းရန် တရုတ် ကမ်းလှမ်း

ကွာလာလမ်ပူ၊ ဇူလှိုင် ၁၁

တရုတ်နိုင်ငံသည် ကမ္ဘောဒီးယားနှင့် ထိုင်းနိုင်ငံတို့၏ နယ်နိမိတ်အငြင်းပွားမှုကို ချစ်ကြည်ရင်းနှီးသော ဆွေးနွေးမှုများဖြင့် ဖြေရှင်းရန် တိုက်တွန်းခဲ့ပြီး၊ တရားမျှတပြီး ဓမ္မဓိဋ္ဌာန်ကျသော ရပ်တည်ချက်ဖြင့် ကူညီရန် အသင့်ဖြစ်ကြောင်း တရုတ် နိုင်ငံခြားရေး ဝန်ကြီးဌာနက ပြောကြားခဲ့သည်။

နိုင်ငံခြားရေးဝန်ကြီး ဝမ်ယိ သည် မလေးရှားနိုင်ငံ၌ ကျင်းပသည့် အရှေ့တောင်အာရှနိုင်ငံများအသင်း (အာဆီယံ) ထိပ်သီးအစည်းအဝေးတွင် ထိုင်းဝန်ကြီးချုပ် မာရစ် စန်ဂျီယမ်ပိုင်းဆာ နှင့် ကြာသပတေးနေ့က တွေ့ဆုံစဉ် အိမ်နီးချင်းနိုင်ငံများကြား ငြိမ်းချမ်းစွာ အတူယှဉ်တွဲနေထိုင်ရေး တိုက်တွန်းခဲ့ကြောင်း ဝန်ကြီးဌာနက ထုတ်ပြန်ခဲ့သည်။

ထိုင်းနှင့် ကမ္ဘောဒီးယားကြား သဟဇာတဖြစ်စွာ အတူယှဉ်တွဲနေထိုင်ရေး အတွက် အပြုသဘောဆောင်သော အခန်းကဏ္ဍမှ ပါဝင်ရန် တရုတ်က ဆန္ဒရှိကြောင်း ဝမ် က ပြောကြားခဲ့သည်။

ထိုင်းနှင့် ကမ္ဘောဒီးယား အကြား ငြင်းခုံမှုတည်ရှိနေသည့် နယ်နမိတ် ၈၂၀ ကီလိုမီတာ (၅၁၀ မိုင်) နယ်နိမိတ်ရှိ အငြင်းပွားမှုနယ်မြေတွင် ကမ္ဘောဒီးယားစစ်သားတစ်ဦး သည်ပစ်ခတ်မှုအတွင်း ‌ေ-သဆုံးသွားပြီးနောက် အရှေ့တောင်အာရှ အိမ်နီးချင်းနိုင်ငံများကြား တင်းမာမှုမြင့်တက်လာခဲ့ခြင်းဖြစ်သည်။

ပြီးခဲ့သည့်လက ကမ္ဘောဒီးယားသည် အငြင်းပွားမှုများကို ဖြေရှင်းရန် နိုင်ငံတကာတရားရုံး (ICJ) ကို တောင်းဆိုခဲ့သည်။

တရုတ်နိုင်ငံ နိုင်ငံခြားရေးဝန်ကြီး ဝမ်ယိသည် ကမ္ဘောဒီးယား နိုင်ငံခြားရေးဝန်ကြီး ပရာ့ခ်ဆိုခွန် နှင့် ထိုနေ့တွင် တွေ့ဆုံရာတွင် နယ်နမိတ်အငြင်းပွားမှုအပေါ်တွင် တရုတ်နိုင်ငံ၏ သမာသမတ်ကျမှုကို ဝမ် က ထပ်လောင်းပြောကြားခဲ့ကြောင်း တရုတ်နိုင်ငံခြားရေးဝန်ကြီးဌာန၏ သတင်း ထုတ်ပြန်ချက်အရ သိရှိရသည်။

ဝမ်ယိသည် တရုတ်နှင့် ကမ္ဘောဒီးယားလူမျိုးများ၏ လုံခြုံရေးကို ထိထိရောက်ရောက် အကာအကွယ်ပေးရန်အတွက် လုံခြုံရေးအစီအမံများ လိုအပ်ကြောင်း အလေးပေးပြောကြားခဲ့ပြီး နယ်စပ်ဖြတ်ကျော်ရာဇ၀တ်မှုများဖြစ်သည့် အွန်လိုင်းလောင်းကစားမှု၊ တယ်လီဖုန်းလိမ်လည်မှု၊ အတုအပနှင့် မှောင်ခိုရောင်းဝယ်မှုများကဲ့သို့သော နယ်စပ်ဖြတ်ကျော်မှုခင်းများကို “လုံးလုံးလျားလျား အမြစ်ပြတ်ချေမှုန်း” ရန် ပြင်းပြင်းထန်ထန် အရေးယူရန် တိုက်တွန်းတောင်းဆိုထားသည်။

အမေရိက က ချမှတ်ထားသော အခွန်စည်းကြပ်မှုများကို ရည်ညွှန်းပြီး အရှေ့တောင်အာရှတွင် “ရှုပ်ထွေးသောအခြေအနေ” ကို ရင်ဆိုင်ဖြေရှင်းနိုင်ပြီး ဘုံအကျိုးစီးပွားအပြင် နိုင်ငံတစ်ခုချင်းစီ၏ အကျိုးစီးပွားကို ကာကွယ်နိုင်မည်ဟု တရုတ်နိုင်ငံက ယုံကြည်ကြောင်း ၎င်းက ပြောကြားခဲ့သည်။

Ref: ဘန်ကောက်ပို့စ်