ထိုင်းနိုင်ငံမှ မြန်မာ့ပြောင်းဝယ်ယူမှုများ၍ ပြောင်းစိုက်ပျိုးသူများစျေးကောင်းရရှိနေ
ထိုင်းနိုင်ငံမှ ဖေဖော်ဝါရီလမှစတင်ကာ မြန်မာ့ပြောင်းများအား ဝယ်ယူမှုများပြားလာသဖြင့် စျေးနှုန်းများမြင့်တက်လာ၍ ပြောင်းစိုက်ပျိုးသူများစျေးကောင်းရရှိနေသည်ဟု ထိုင်းနိုင်ငံသို့တင်ပို့ရောင်းချနေသည့် ပြောင်းကုန်သည်များထံမှသိရသည်။
ထိုင်းနိုင်ငံသို့ အခွန်လွတ်ဖြင့် ဖေဖော်ဝါရီ ၁ ရက်မှသြဂုတ် ၃၁ ရက်အတွင်း မြန်မာ့ပြောင်းတင်ပို့မှုအများဆုံးကာလဖြစ်၍ မြန်မာနိုင်ငံအနှံ့မှပြောင်းစိုက်ပျိုးသူများ၏ ပြောင်းများအားကုန်သည်များမှဝယ်ယူတင်ပို့နေခြင်းဖြစ်သည်။
“အခုချိန်ကသူတို့အတွက်စျေးကောင်းရသလို ကျွန်တော်တို့အတွက်လည်းတွက်ချေကိုက်တယ် အခွန်လွတ်နဲ့ပို့ရတဲ့အတွက် ဒီအချိန်ကိုပိုပြီးအား စိုက်လုပ်နေကြတာ တစ်နေ့တစ်နေ့ ထိုင်းဖက်ကိုပို့တဲ့ပြောင်းကား တွဲကားကြီးတွေပေါ့ အစီးရေ ၂၀၀ ကျော်လောက်ရှိတယ်”ဟုပြောင်းကုန်သည်တစ်ဦးဖြစ်သည့် ကိုထွန်းထွန်းဝင်းကပြောသည်။
မြန်မာနိုင်ငံမှပြောင်းထွက်ရှိသည့် ဒေသများမှပြောင်းများအားသယ်ယူ၍ မြဝတီမြို့ရှိ အာရှလမ်းမကြီးဘေးရှိ ကုန်လှောင်ဝင်းများအတွင်းထားရှိကာ ထိုင်းကုန်တင်တွဲကားများဖြင့် ပြန် လည်တင်ပို့ပေးလျက်ရှိကာ နေ့စဥ်ပြောင်းတန်ချိန် ၇၀၀၀ ခန့်အထိတင်ပို့လျက်ရှိသည်။
မြန်မာ့ပြောင်းအား ထိုင်းနိုင်ငံအပြင် တရုတ်နိုင်ငံမှလည်း ဝယ်ယူမှုများပြားသဖြင့် ပြောင်းစိုက်ပျိုးသူများစျေးကောင်းရရှိနေခြင်းဖြစ်သည်ဟု သိရသည်။
“အရင်နှစ်တွေက ပြောင်းတစ်ပိဿာကို ၆၀၀ ကျော်ကျော်လေးလောက်ပဲရှိတယ် ဒီနှစ်ကတော့ တစ်ပိဿာကို ၉၀၀ နီးပါးလောက်အထိစျေးရတော့ ပြောင်းစိုက်တဲ့လူတွေအတွက်အများကြီးအဆင်ပြေတာပေါ့”ဟုကိုထွန်းထွန်းဝင်းကပြော သည်။
Zaw Gyi
ထိုင္းႏိုင္ငံမွ ျမန္မာ့ေျပာင္းဝယ္ယူမႈမ်ား၍ ေျပာင္းစိုက္ပ်ိဳးသူမ်ားေစ်းေကာင္းရရွိေန
ထိုင္းႏိုင္ငံမွ ေဖေဖာ္ဝါရီလမွစတင္ကာ ျမန္မာ့ေျပာင္းမ်ားအား ဝယ္ယူမႈမ်ားျပားလာသျဖင့္ ေစ်းႏႈန္းမ်ားျမင့္တက္လာ၍ ေျပာင္းစိုက္ပ်ိဳးသူမ်ားေစ်းေကာင္းရရွိေနသည္ဟု ထိုင္းႏိုင္ငံသို႔တင္ပို႔ေရာင္းခ်ေနသည့္ ေျပာင္းကုန္သည္မ်ားထံမွသိရသည္။
ထိုင္းႏိုင္ငံသို႔ အခြန္လြတ္ျဖင့္ ေဖေဖာ္ဝါရီ ၁ ရက္မွၾသဂုတ္ ၃၁ ရက္အတြင္း ျမန္မာ့ေျပာင္းတင္ပို႔မႈအမ်ားဆုံးကာလျဖစ္၍ ျမန္မာႏိုင္ငံအႏွံ႔မွေျပာင္းစိုက္ပ်ိဳးသူမ်ား၏ ေျပာင္းမ်ားအားကုန္သည္မ်ားမွဝယ္ယူတင္ပို႔ေနျခင္းျဖစ္သည္။
“အခုခ်ိန္ကသူတို႔အတြက္ေစ်းေကာင္းရသလို ကြၽန္ေတာ္တို႔အတြက္လည္းတြက္ေခ်ကိုက္တယ္ အခြန္လြတ္နဲ႔ပို႔ရတဲ့အတြက္ ဒီအခ်ိန္ကိုပိုၿပီးအား စိုက္လုပ္ေနၾကတာ တစ္ေန႔တစ္ေန႔ ထိုင္းဖက္ကိုပို႔တဲ့ေျပာင္းကား တြဲကားႀကီးေတြေပါ့ အစီးေရ ၂၀၀ ေက်ာ္ေလာက္ရွိတယ္”ဟုေျပာင္းကုန္သည္တစ္ဦးျဖစ္သည့္ ကိုထြန္းထြန္းဝင္းကေျပာသည္။
ျမန္မာႏိုင္ငံမွေျပာင္းထြက္ရွိသည့္ ေဒသမ်ားမွေျပာင္းမ်ားအားသယ္ယူ၍ ျမဝတီၿမိဳ႕ရွိ အာရွလမ္းမႀကီးေဘးရွိ ကုန္ေလွာင္ဝင္းမ်ားအတြင္းထားရွိကာ ထိုင္းကုန္တင္တြဲကားမ်ားျဖင့္ ျပန္ လည္တင္ပို႔ေပးလ်က္ရွိကာ ေန႔စဥ္ေျပာင္းတန္ခ်ိန္ ၇၀၀၀ ခန္႔အထိတင္ပို႔လ်က္ရွိသည္။
ျမန္မာ့ေျပာင္းအား ထိုင္းႏိုင္ငံအျပင္ တ႐ုတ္ႏိုင္ငံမွလည္း ဝယ္ယူမႈမ်ားျပားသျဖင့္ ေျပာင္းစိုက္ပ်ိဳးသူမ်ားေစ်းေကာင္းရရွိေနျခင္းျဖစ္သည္ဟု သိရသည္။
“အရင္ႏွစ္ေတြက ေျပာင္းတစ္ပိႆာကို ၆၀၀ ေက်ာ္ေက်ာ္ေလးေလာက္ပဲရွိတယ္ ဒီႏွစ္ကေတာ့ တစ္ပိႆာကို ၉၀၀ နီးပါးေလာက္အထိေစ်းရေတာ့ ေျပာင္းစိုက္တဲ့လူေတြအတြက္အမ်ားႀကီးအဆင္ေျပတာေပါ့”ဟုကိုထြန္းထြန္းဝင္းကေျပာ သည္။