ထိုင်းနိုင်ငံ‌မြောက်ပိုင်းမြစ်များတွင်အဆိပ်သင့် သတ္တုပါဝင်မှုများ

ချင်းရိုင်ခရိုင် ကော့က်မြစ်နှင့် စိုင်းမြစ်တို့တွင် အာဆင်းနစ်နှင့် ခဲဓာတ်များ ပါဝင်မှုမျာပြားနေသည်ကို တွေ့ရှိခဲ့ပြီး ရေသန့်ရှင်းရေး၊ ဒေသခံငါးများ နှင့် ဒေသခံပြည်သူများအတွက် ကျန်းမာရေးအန္တရာယ် ဖြစ်နိုင်ခြေရှိသဖြင့် စိုးရိမ်မှုများ မြင့်တက်လာကြောင်း မကြာသေးမီက အစိုးရ၏ သတင်းထုတ်ပြန်ချက်အရ သိရသည်။

ချင်းမိုင်မြို့ ပတ်ဝန်းကျင်နှင့် လေထုညစ်ညမ်းမှု ထိန်းချုပ်ရေး အဖွဲ့ ရုံး ၁ မှ ၂၀၂၅ ခုနှစ် မေလတွင် ပြုလုပ်ခဲ့သော ရေမျက်နှာပြင် အရည်အသွေး စစ်ဆေးခြင်းမှ တွေ့ရှိချက်များကို ကောက်၊ မဲခေါင်နှင့် စိုင်းမြစ်များ အတွင်းသို့ စီးဝင်သော မြစ်လက်တက်များ ဖြတ်ကျော်သည့် အချက်အချာကျသည့် နေရာရှစ်ခုမှ ရေနမူနာကိုကောက်ယူကာ တွေ့ရှိချက်ကိုသတင်း ထုတ်ပြန်ခဲ့ခြင်းဖြစ်သည်။

ခွန်၊ လာအို နှင့် စရုအေ မြစ်များမှ ရေနမူနာများသည် နိုင်ငံတော် ဘေးအန္တရာယ်ကင်းရှင်းရေးစံနှုန်းများနှင့် ကိုက်ညီသော်လည်း မဲခေါင်မြစ်များနှင့် စိုင်းမြစ်များအနီးရှိ နေရာအများအပြားတွင် အဆိပ်ရှိသောသတ္တုများပါဝင်မှုသည် များပြားနေသည်။ ဒေသခံငါးအများစုသည် အနာနှင့် ရောင်ရမ်းခြင်းလက္ခဏာများ ဖြစ်ပေါ်လျက်ရှိသည်။

ချင်းဆန်ခရိုင်ရှိ ကောက် မြစ်နှင့် မဲခေါင်မြစ်များဆုံရာ အနီးရှိ ကောက်ယူထားသော ရေနမူနာနှစ်ခုတွင် အာဆင်းနစ်ပါဝင်မှု ဝ.၀၃၁ မီလီဂရမ်/လီတာ နှင့် ဝ.၀၃၆ မီလီဂရမ်/လီတာ—တစ်နိုင်ငံလုံးအတိုင်းအတာ ကန့်သတ်ချက် ဝ.၀၁ မီလီဂရမ်/လီတာ ထက် ကျော်လွန်နေပါသည်။ ဤတွေ့ရှိချက်များက မဲခေါင်မြစ်၏ ဂေဟစနစ်ကို ထိခိုက်စေနိုင်သည့် အလားအလာရှိသော မြစ်ညာ‌ရေထုညစ်ညမ်းမှု အရင်းအမြစ်များကို ညွှန်ပြနေသည်။

အထူးသဖြင့် မယ်ဆိုင်ခရိုင်တွင် ပိုမိုဆိုးရွားသော ညစ်ညမ်းမှုကို တွေ့ရှိရသည်။ ဗန်ဟူးဖိုင်း တွင် ခဲပါဝင်မှုအဆင့်သည် ဝ.၀၅၈ မီလီဂရမ်/လီတာ နှင့် အာဆင်းနစ် ဝ.၄၄ မီလီဂရမ်/လီတာသို့ရောက်ရှိခဲ့သည်။ ဒုတိယမြောက် ထိုင်း-မြန်မာ ချစ်ကြည်ရေးတံတားတွင် ခဲပါဝင်မှုအား ဝ.၀၆၃ မီလီဂရမ်/လီတာ နှင့် အာဆင်းနစ်ပါဝင်မှု ဝ.၄၅ မီလီဂရမ်/လီတာရောက်ရှိနေကြောင်း တိုင်းတာခဲ့ပါသည်။ ခိုဟ်ချန် ခရိုင် ဗန်ပါစန်ငမ် တွင် ခဲပါဝင်မှုသည် ဝ.၀၆၆ မီလီဂရမ်/လီတာ ရောက်ရှိပြီး အာဆင်းနစ်ပါဝင်မှုသည် ဝ.၄၉ မီလီဂရမ်/လီတာ အထိ မြင့်တက်ခဲ့သည်။

အာဏာပိုင်များသည် ရေထုညစ်ညမ်းခြင်း၏ အရင်းအမြစ်ကို အတည်ပြုနိုင်ခြင်းမရှိသေးသော်လည်း လူထုကျန်းမာရေးနှင့် သဘာဝပတ်ဝန်းကျင်ကို ကာကွယ်ရန်အတွက် ချက်ခြင်းစုံစမ်းစစ်ဆေးရန်နှင့် ပြန်လည်ကုစားရေးကို ကြိုးပမ်းလုပ်ဆောင်ရန် သဘာဝပတ်ဝန်းကျင်အဖွဲ့များက တိုက်တွန်းထားသည်။

Ref: ဘန်ကောက်ပို့စ်