ထိုင်းနိုင်ငံတောင်ပိုင်း ဟတ်ယိုင်ခရိုင်ရှိ စာသင်ကျောင်းတစ်ကျောင်းအတွင်း သေနတ်သမားတစ်ဦးက ဝင်ရောက်ပ-စ်ခ-တ်မှုကြောင်း ထိုကျောင်းတွင် တာဝန်ကျသည့် ဆရာမတစ်ဦး ေ-သဆုံးခဲ့ကြောင်း ပြည်နယ်အုပ်ချုပ်ရေးအဖွဲ့က ဆိုရှယ်မီဒီယာပေါ်တွင် ပြောကြားခဲ့သည်။
ဗုဒ္ဓဟူးနေ့က ဆွန်ခလာပြည်နယ် ဟတ်ရိုင်ခရိုင်ရှိ ပေထောင်ပရာထန်ကီရီဝပ်ကျောင်းတွင် အသက် ၁၇ နှစ်အရွယ် လူငယ်တစ်ဦးသည် ရဲအရာရှိတစ်ဦးထံမှ ခိုးယူလာသော သေနတ်ကိုအသုံးပြု၍ ဆရာမဖြစ်သူ ဆာစီဖတ် ဆင်ဆမ်မိုဆွန်ကို ပ-စ်ခ-တ်ခဲ့ခြင်းဖြစ်ပြီး နောက်ပိုင်းတွင် ရဲက ၎င်းကို ဖမ်းဆီးနိုင်ခဲ့သည်။
ဖြစ်စဉ်တွင် ကျောင်းသူတစ်ဦးလည်း ပစ်ခတ်ခံခဲ့ရပြီး သူ၏ အခြေအနေမည်သို့ရှိသည်ကိုမူ သတင်းထုတ်ပြန်ခြင်းမရှိသေးပေ။
ကျောင်း၏ ဒါရို-က်တာတစ်ဦးအဖြစ်လည်း တာဝန်ထမ်းဆောင်နေခဲ့သော ဆာစီဖတ်ကို အထူးကြပ်မတ်ဆောင်သို့ ပို့ဆောင်၍ ခွဲစိတ်ကုသခဲ့သော်လည်း အတွင်းဒ-ဏ်ရာများနှင့် သွေးထွက်လွန်ခြင်းကြောင့် နံနက် ၂ နာရီခန့်တွင် ေ-သဆုံးသွားခဲ့ကြောင်း ကျန်းမာရေးဝန်ကြီးဌာနက ပြောကြားခဲ့သည်။
ဖမ်းဆီးခံထားရသည့် ကျူးလွန်သူ၏ အစ်မသည် ထိုကျောင်းတွင် တက်ရောက်နေသူဖြစ်ပြီး ကျူးလွန်သူသည် မူးယစ်ဆေးဝါးသုံးစွဲဖူးသည့် ရာဇဝင်ရှိကာ ဒီဇင်ဘာလတွင် စိတ်ရောဂါကုဆေးရုံမှ ဆင်းခွင့်ရထားခဲ့ကြောင်း အရာရှိများက ပြောကြားခဲ့သည်။
သေနတ်ကိုင်အကြမ်းဖက်မှုနှင့် လက်နက်ပိုင်ဆိုင်မှုသည် ထိုင်းနိုင်ငံတွင် အဆန်းတကြယ်မဟုတ်လှပေ။ ၂၀၀၂ ခုနှစ်က နိုင်ငံအရှေ့ပိုင်း နေ့ကလေးထိန်းဌာနတစ်ခုတွင် ရဲအရာရှိဟောင်းတစ်ဦး၏ သေနတ်နှင့် ဓါးကိုင် တို-က်ခို-က်မှုတစ်ခုကြောင့် ကလေး ၂၂ ဦးအပါအဝင် လူ ၃၆ ဦး ေ-သဆုံးခဲ့သည်။
Ref: တီအိပ်ချ်