အငြင်းပွားနယ်စပ်မျဉ်းတလျှောက် ထိုင်းစစ်တပ်နှင့် အပြန်အလှန်ပ-စ်ခ-တ်မှုတွင် ၎င်းတို့စစ်သားတစ်ဦး ေ-သဆုံးခဲ့သည်ဟု ကမ္ဘောဒီးယားစစ်တပ်က ဗုဒ္ဓဟူးနေ့တွင် ပြောကြားခဲ့သည်။
“တို-က်ခို-က်မှုအတွင်းမှာ ကျွန်တော်တို့ စစ်သားတစ်ဦးကျဆုံးခဲ့ပြီး ဒဏ်ရာရသူအချို့ရှိခဲ့ပါတယ်။ ဒါပေမယ့် အသေးစိတ်အချက်အလက်တွေတော့ မရသေးပါဘူး” ဟု ကမ္ဘောဒီးယားဘုရင့်တပ်မတော် ပြောရေးဆိုခွင့်ရှိသူ မော်ဖလာက ပြောကြားခဲ့သည်။
ထိတွေ့ပ-စ်ခ-တ်မှုဖြစ်ခဲ့ကြောင်းကို မော်ဖလာက အတည်ပြုခဲ့သော်လည်း ထိုင်းဘက်ခြမ်း ဥဘုံရတ်ချာဌာနီပြည်နယ်နှင့် ထိပ်စပ်နေသည့် နိုင်ငံမြောက်ပိုင်း Preah Vihear ပြည်နယ်တွင် ပုံမှန်နယ်ခြားကင်းလှည့်နေသော ကမ္ဘောဒီးယားတပ်ဖွဲ့ဝင်များကို ထိုင်းစစ်သားများက တိုက်ခိုက်ခဲ့ခြင်းဖြစ်သည်ဟု သူကပြောကြားခဲ့သည်။
“ကျွန်တော်တို့စစ်သားက ကတုတ်ကျင်းထဲမှာ ေ-သဆုံးပါတယ်။ ထိုင်းတွေက ကျွန်တော်တို့ကို လာတိုက်တာပါ”
တစ်ချိန်တည်းမှာပင် ထိုင်းဘုရင့်တပ်မတော်က ပြောကြားရာတွင် ကမ္ဘောဒီးယားစစ်သားများက စတင်ပစ်ခတ်ခဲ့၍ တို-က်ပွဲဖြစ်ခဲ့သည်ဟု ဆိုသည်။
ကမ္ဘောဒီးယား နယ်ခြားစောင့်တပ်၏ ပ-စ်ခ-တ်မှုကို တုန့်ပြန်သည့်အနေဖြင့် မိမိတို့ စစ်သားများက ပြန်လည်ပ-စ်ခ-တ်ခဲ့ခြင်းဟု ထိုင်းစစ်တပ်က ထုတ်ပြန်ပြောဆိုခဲ့သည်။
၁၀ မိနစ်ခန့် အပြန်အလှန်ပ-စ်ခ-တ်ကြပြီးနောက် ကမ္ဘောဒီးယားဘက်က အပစ်ရပ်ရန် တောင်းဆိုခဲ့သည်ဟု သတင်းထုတ်ပြန်ချက်တွင် ဖေါ်ပြထားသည်။
အခြေအနေပြေလည်သွားပြီးဖြစ်ပြီး နှစ်ဖက်စလုံးက တစ်ဖက်နှင့် တစ်ဖက် ပ-စ်ခ-တ်ရန် မရည်ရွယ်ခဲ့ကြောင်း ထိုင်းကာကွယ်ရေးဝန်ကြီး Phumtham Wechayachai က ပြောကြားခဲ့သည်။
Ref: ဒီဒဗလျူ