ထိုင်းက မြန်မာကိုဓာတ်အားဖြတ်ပြီး နယ်စပ်ထိန်းချုပ်မှုကို တင်းကျပ်

ဘန်ကောက်၊ ဖေဖော်ဝါရီ ၆

ထိုင်းနိုင်ငံသည် တရားမဝင် လုပ်ငန်းများ တိုက်ဖျက်ရေး ကြိုးပမ်းမှု တစ်စိတ်တစ်ပိုင်းအဖြစ် မြန်မာနိုင်ငံရှိ ဒေသငါးခုသို့ လျှပ်စစ်ဓာတ်အား ပေးဝေမှုကို ဆိုင်းငံ့ထားပြီးနောက် ဖြစ်ပေါ်လာနိုင်သည့် ဆိုးကျိုးများကို ကာကွယ်ရန် နယ်စပ်ထိန်းချုပ်မှုကို တင်းကျပ်ထားကြောင်း ဒုတိယဝန်ကြီးချုပ် ဖုန်ထမ် ဝေချရာချိုင် က ကြာသပတေးနေ့တွင် ပြောကြားခဲ့သည်။

ထိုင်းနယ်ခြားစောင့် ရဲတပ်ဖွဲ့နှင့် ထိုင်းတပ်မတော်တို့က နယ်စပ်တစ်လျှောက် လုံခြုံရေး တိုးမြှင့်ထားပြီး သက်ဆိုင်ရာ အေဂျင်စီများ အနေဖြင့် မူ-းယစ်ဆေးဝါး ရောင်းဝယ်ဖောက်ကားမှုနှင့် နယ်စပ်ဒေသရှိ ရာဇဝတ်မှုများကို ကိုင်တွယ်ဖြေရှင်းရေး အစီအမံများကို အကောင်အထည်ဖော် ဆောင်ရွက်လျက် ရှိကြောင်း ဖုံထမ်က မြန်မာနိုင်ငံနှင့် နယ်နိမိတ်ချင်း ထိစပ်နေသော တာ့ခ်ခရိုင်သို့ လာရောက်သည့် ခရီးစဉ်အတွင်း ၌ပြောကြားခဲ့သည်။

ဗုဒ္ဓဟူးနေ့တွင် လျှပ်စစ်ဓာတ်အားဖြတ်တောက်ပြီးနောက် မြန်မာနိုင်ငံတွင် အွန်လိုင်းမှလိ-မ်လ-ည်လှည့်ဖြားမှုများ စုစည်းရာနေရာများတွင် ဓာတ်အားအသုံးပြုမှုသည် သိသိသာသာကျဆင်းသွားသည်ကို ဥပမာတစ်ခုအနေဖြင့် ဖုန်ထမ် က ကိုးကားဖော်ပြခဲ့သည်။

ထိုင်းဆက်သွယ်ရေးစည်းကမ်း ထိန်းသိမ်းရေးအဖွဲ့သည် ယခုလကုန်တွင် ပြဿနာရှိသော အင်တာနက် ချိတ်ဆက်သုံးစွဲမှုအားလုံးကို ရပ်ဆိုင်းသွားမည်ဖြစ်ကြောင်း၊ မရှိမဖြစ်လိုအပ်သော ဆက်သွယ်ရေး ဝန်ဆောင်မှုများသည်လည်း ချိတ်ဆက်မှုများ လျော့ကျသွားဖွယ်ရှိကြောင်း ၎င်းက မှတ်ချက်ပြုခဲ့သည်။

လူကု-န်ကူးမှု၊ ဖုန်းခေါ်ဆိုလိ-မ်လ-ည်မှု၊ ငွေကြေးခဝါချမှုနှင့် နိုင်ငံဖြတ်ကျော် ရာဇဝတ်မှုများ အပါအဝင် တရားမဝင် လှုပ်ရှားမှုများအတွက် အခြေစိုက်စခန်းအဖြစ် သတ်မှတ်ထားသော မြန်မာနိုင်ငံရှိ ပြည်နယ် ၃ ခုရှိ နေရာငါးခုတွင် လျှပ်စစ်မီး၊ လောင်စာဆီနှင့် အင်တာနက် ဝန်ဆောင်မှုများကို ဖြတ်တောက်ရန် ထိုင်း နိုင်ငံတော်လုံခြုံရေးကောင်စီက အင်္ဂါနေ့တွင် ဆုံးဖြတ်ခဲ့သည်။

Ref: ရှင်းဟွာ