ထိုင်ဝမ်၊ဖေဖော်ဝါရီ ၂၅
ထိုင်ဝမ်သည် ၎င်း၏ ပထမဆုံးပြည်တွင်းဖြစ်ရေငုပ်သင်္ဘောနမူနာပုံစံကို ဧပြီလတွင်ရေချ စမ်းသပ်မည်ဖြစ်ပြီး ပေကျင်း၏စစ်ရေးဖိအားများ တိုးမြင့်လာချိန်တွင် ပင်လယ်ရေအောက်တိုက်ခိုက်ရေးစွမ်းရည်မြှင့်တင်ရာ၌ အရေးပါသောခြေလှမ်းတစ်ခုလည်းဖြစ်လာခဲ့သည်။
Hai Kun သို့မဟုတ် Narwhal အမည်ရှိ အဆိုပါရေငုပ်သင်္ဘောသည် စမ်းသပ်မှုအစောပိုင်းအဆင့်များတွင် နှောင့်နှေးမှုများဖြစ်ခဲ့ပြီး စိုးရိမ်မှုများဖြစ်ခဲ့ရသော်လည်း သတ်မှတ်ရက်အတိုင်း ပင်လယ်ပြင်စမ်းသပ်မှုကိုဆက်လက်လုပ်ဆောင်မည်ဖြစ်ကြောင်း ထိုင်ဝမ်ကာကွယ်ရေးဝန်ကြီးဌာနကအတည်ပြုခဲ့သည်။
၂၀၂၃ ခုနှစ် စက်တင်ဘာလကထုတ်ဖော်ပြသခဲ့သည့် ယခု နမူနာပုံစံရေငုပ်သင်္ဘောကို နိုဝင်ဘာလကဆိပ်ကမ်း၌စမ်းသပ်ရပ်နားမှုပြုလုပ်ခဲ့ပြီး ရေချစမ်းသပ်မှုကို ဧပြီလ၌သတ်မှတ်ထားသော်လည်းဆိပ်ကမ်းရပ်နားချိန်၌ပင် မျှော်လင့်မထားသည့် အခက်အခဲများနှင့်ကြုံတွေ့ခဲ့ရကြောင်း ပြည်တွင်းမီဒီယာများကဖော်ပြခဲ့သည်။
ယခုပြုလုပ်မည့် ပင်လယ်ရေကြောင်းစမ်းသပ်မှုတွင်တော်ပီဒိုစမ်းသပ်ခြင်း၊လက်နက်များနှင့် ဆိုနာစနစ်အတည်ပြုခြင်းနှင့် တိုက်ခိုက်ရေးအဆင်သင့်ဖြစ်ခြင်းများအား အကဲဖြတ်ခြင်းများလည်းပါဝင်မည်ဖြစ်သည်ဟုသိရသည်။
အခြားလေ့ကျင့်မှုအနေဖြင့် ရေငုပ်ခြင်းနှင့်ရေပေါ်လေ့ကျင့်ခြင်း၊ရေလမ်းကြောင်းပြခြင်း စွမ်းဆောင်ရည်၊ထိန်းချုပ်မှုစနစ်ယုံကြည်စိတ်ချရမှုနှင့် အရေးပေါ်တုံ့ပြန်ရေးလေ့ကျင့်မှုများ အကျုံးဝင်မည်ဖြစ်ကြောင်း ကာကွယ်ရေးဝန်ကြီးဌာနမှသိရသည်။
Source : ဆော့ထ်ချိုင်းနားမောနင်းပို့စ်ထ်