အမေရိကန် သမ္မတ ဒေါ်နယ်ထရမ့်၏ အစိုးရအဖွဲ့က United States Agency for International Development(USAID)မှ ဝန်ထမ်းထောင်နှင့်ချီ၍ လျှော့ချခြင်းကို စတင်ပြီဖြစ်ကြောင်း USAID က ၎င်း၏ဝက်ဘ်ဆိုက်တွင် ထုတ်ပြန်ချက်တစ်စောင်ဖြင့် ဖော်ပြခဲ့သည်။
“USAID တွင် တိုက်ရိုက်ခန့်ထားသော ဝန်ထမ်းအားလုံး၊ အရေးကြီးသော လုပ်ငန်းဆောင်တာများ၊ ပင်မ ခေါင်းဆောင်မှုနှင့်/သို့မဟုတ် အထူးသတ်မှတ်ထားသော အစီအစဉ်များအတွက် တာဝန်ရှိသူများမှလွဲ၍၊ ကမ္ဘာတစ်ဝှမ်းရှိ ဝန်ထမ်းများကို ဖေဖော်ဝါရီ ၂၄ ရက်မှစတင်၍ စီမံခန့်ခွဲမှုအားလပ်ခြင်းဖြင့် ထားရှိမည်” ဟု USAID က ထုတ်ပြန်ချက်တွင် ဖော်ပြထားသည်။
ထို့အပြင်၊ “USAID သည် အမေရိကန်ပြည်ထောင်စုရှိ တာဝန်ထမ်းဆောင်နေသော USAID ဝန်ထမ်းပေါင်း ၁,၆၀၀ ခန့်ကို ထိခိုက်မည့် ဝန်ထန်းလျှော့ချခြင်းအစီအစဉ်(Reduction-in-Force)ကို အကောင်အထည်ဖော်ရန် စတင်နေပြီ” ဟုလည်း ယင်းထုတ်ပြန်ချက်တွင် ဖော်ပြထားသည်။
ဝန်ထမ်းအရေအတွက် ၁၀,၀၀၀ မှ ၁၃,၀၀၀ အတွင်းရှိနေသော USAID ကို ဝန်ထမ်း ၂၉၄ ဦးမျှသာ ကျန်တော့သည်အထိ လျှော့ချလိမ့်မည်ဟု သတင်းမီဒီယာများက ဖေဖော်ဝါရီ ၆ ရက်နေ့ကတည်းကပင်လျှင် သတင်းများရေးသားဖော်ပြခဲ့ကြသည်။