ပိုချွန်း/ တောင်ကိုရီးယား၊ ဇန်နဝါရီ ၂၆
တောင်ကိုရီးယားသည် ယခုနှစ်အတွင်း ၎င်းနိုင်ငံရှိ လယ်ယာနှင့် စက်ရုံများတွင် အလုပ်လုပ်ကိုင်ရန်အတွက် ပြည်ပလုပ်သား တစ်သိန်း တစ်သောင်းခန့်ကို ခေါ်ယူသွားရန် စီစဉ်နေကြောင်း သိရသည်။
တောင်ကိုရီးယား လူငယ်များသည် လယ်ယာနှင့် စက်ရုံကဲ့သို့သော ညစ်ပတ်၍ အန္တရာယ်များသော အလုပ်များကို ရှောင်ဖယ်လာကြသောကြောင့် အဆိုပါ ကဏ္ဍများသည် လက်ရှိတွင် အလုပ်သမား ရှားပါးမှုနှင့် ရင်ဆိုင်နေရသည်။
“ပြည်ပလုပ်သား အလုပ်သမားတွေ အများကြီး လိုအပ်နေပါတယ်။ ကျွန်တော်တို့ရဲ့ လယ်ကွင်းမှာ ဒေသခံလုပ်သား ၂၀ ရာခိုင်နှုန်းပဲရှိပါတယ်။ ကျန်တဲ့ ၈၀ ရာခိုင်နှုန်းက တကယ်တော့ နိုင်ငံခြား အလုပ်သမားတွေဖြစ်ပြီး လယ်ယာထွက်ကုန်တွေကိုလည်း သူတို့ကပဲ စိုက်ပျိုးထုတ်ပေးတာပါ” ဟု ပိုချွန်းမြို့ ရှိ ဖန်လုံအိမ် စိုက်ပျိုးရေးခြံပိုင်ရှင် မစ္စတာကင်က ပြောသည်။
ကိုရီးယား စီးပွားရေးလုပ်ငန်းများ အဖွဲ့ချုပ်၏ လေ့လာချက်အရ ယခုနှစ်အတွင်း နိုင်ငံတွင်းသို့ ခေါ်ယူမည့် ပြည်ပ အလုပ်သမားအသစ် တစ်သိန်းတစ်သောင်းသည်ပင် လိုအပ်နေသည့် လုပ်သားပမာဏနှင် နှိုင်းယှဉ်ပါက လုံလောက်မှုမရှိကြောင်း သိရသည်။
အဆိုပါ ပြည်ပလုပ်သားများ မရှိပါ တောင်ကိုရီးယားရှိ အချို့သော လယ်ယာများနှင့် စက်ရုံများတွင် အလုပ်သမားပင်မရှိဘဲ ဖြစ်နေလိမ့်မည်ဟု လေ့လာသူများက ပြောကြားခဲ့သည်။
Source: CNA