ပေကျင်း၊နိုဝင်ဘာ ၁၅
တရုတ်နှင့်စင်္ကာပူတို့၏ နှစ်နိုင်ငံစစ်တပ်များသည် ယခုလနှောင်းပိုင်းတွင် တရုတ်နိုင်ငံအလယ်ပိုင်း ဟိုင်နန်ပြည်နယ်၌ ပူးတွဲစစ်ရေးလေ့ကျင့်မှုပြုလုပ်မည်ဖြစ်ကြောင်း တရုတ်ကာကွယ်ရေးဝန်ကြီးဌာနပြောရေးဆိုခွင့်ရှိသူကပြောကြားခဲ့သည်။
အဆိုပါပြောရေးဆိုခွင့်ရှိသူက ယခုတစ်ကြိမ်ပြုလုပ်သည့် စစ်ရေးလေ့ကျင့်မှုသည်ပူးတွဲ မြို့ပြအကြမ်းဖက်မှုနှိမ်နင်းရေးလုပ်ငန်းများဆောင်ရွက်သည့်ပုံစံဖြင့်နှစ်စဉ်လေ့ကျင့်နေကျပုံစံအတိုင်း နှစ်ဖက်အစိုးရသဘောတူညီမှုဖြင့်လုပ်မည်ဖြစ်ကြောင်းလည်းပြောကြားခဲ့သည်။
ယခုစစ်ရေးလေ့ကျင့်မှုသည် တပ်မတော်နှစ်ရပ်အကြား လက်တွေ့ကျသည့်ပူးပေါင်းဆောင်ရွက်မှုများကို တိုးမြင့်စေကာ အကြမ်းဖက်မှုတန်ပြန်နှိမ်နင်းရေးစစ်ဆင်ရေးများ၌ ၎င်းတို့၏စွမ်းရည်များ မြင့်မားလာစေရန် ရည်ရွယ်ခြင်းဖြစ်သည်ဟုလည်းဆိုခဲ့သည်။
စင်္ကာပူ – တရုတ် စစ်ရေးလေ့ကျင့်မှုသည် နှစ်နိုင်ငံတပ်မတော်နှစ်ရပ်အကြား ပူးပေါင်းဆောင်ရွက်မှု စီမံချက်တစ်ခုဖြစ်ပြီး ယခုနှစ်လေ့ကျင့်မှုသည် ခြောက်ကြိမ်မြောက်လေ့ကျင့်ခြင်းဖြစ်သည်ဟုလည်းသိရသည်။
Source : ရှင်းဟွာ