တရုတ်နိုင်ငံသမ္မတ၊ အိန္ဒိယနိုင်ငံဝန်ကြီးချုပ်၊ လာအိုနိုင်ငံသမ္မတတို့နှင့် ကောင်းမွန်သည့်ရလဒ်များရရှိအောင်ဆွေးနွေးနိုင်ခဲ့သည်ဟု မြန်မာနိုင်ငံတော် ယာ ယီသမ္မတ၊ နိုင်ငံတော်လုံခြုံရေးနှင့် အေးချမ်းသာ ယာရေးကော်မရှင် ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်မှ ယနေ့ စက်တင်ဘာ ၂ ရက်ညနေ ၅ နာရီက တရုတ်နိုင်ငံဆိုင်ရာ မြန်မာသံရုံးနှင့် စစ်သံရုံးတို့မှမိသားစုများ၊ ပညာတော်သင် ကျောင်းသား၊ ကျောင်းသူများနှင့်တွေ့ဆုံစဥ် ပြောကြားခဲ့ခြင်းဖြစ် သည်။
ယခု တရုတ်နိုင်ငံသို့လာရောက်သည့် အလုပ်သ ဘောခရီးစဉ်အတွင်း တရုတ်နိုင်ငံသမ္မတ၊ အိန္ဒိယနိုင်ငံဝန်ကြီးချုပ်၊ လာအိုနိုင်ငံသမ္မတတို့နှင့်တွေ့ဆုံ ၍ ကောင်းမွန်သည့်ရလဒ်များရရှိအောင်ဆွေးနွေးနိုင်ခဲ့ကာ မြန်မာနိုင်ငံအနေဖြင့် အိမ်နီးချင်းနိုင်ငံများနှင့် ဆက်ဆံမှုများကောင်းမွန်တိုးတက်လျက်ရှိပြီး အာဆီယံအဖွဲ့ဝင်နိုင်ငံများနှင့်လည်း ဆက်ဆံရေးတိုးတက်ကောင်းမွန်အောင် ပူးပေါင်းဆောင်ရွက်လျက်ရှိသည်ဟု ပြောသည်။
ထို့ပြင် မိမိတို့တာဝန်ယူချိန်တွင် နိုင်ငံ့စီးပွားတိုးတက်ရေးအတွက် ကြိုးပမ်းဆောင်ရွက်ခဲ့ကာ ပြည်တွင်းထုတ်ကုန်များထုတ်လုပ်မှုကို တိုးတက်အောင်ဆောင်ရွက်မှသာ ပြည်တွင်းသုံးစွဲမှုဖူလုံပြီး ပိုလျှံ သည်များကို ပြည်ပနိုင်ငံများသို့တင်ပို့နိုင်မည်ဖြစ်ပြီး ပြည်တွင်း ထုတ်ကုန်များတိုးတက်အောင်ထုတ် လုပ်ခြင်း၊ တစ်ဦးချင်းအလုပ်လုပ်ခြင်းတို့မှသာ နိုင် ငံစီးပွားရေးတိုးတက်ကောင်းမွန်လာမည်ဟု ပြော သည်။
” အဲဒီလိုဆောင်ရွက်နိုင်ဖို့အတွက် အတန်းပညာရှိတဲ့ ပညာတတ်လူသားအရင်းအမြစ်တွေလုံလောက်စွာရှိဖို့လိုပါတယ်။ အတန်းပညာတွေတိုးတက်လာမှသာ အသိပညာတွေတိုးတက်လာမှာဖြစ်ပါတယ်။ နိုင်ငံဖွံ့ဖြိုးတိုးတက်ဖို့အတွက် နိုင်ငံအတွင်းနေထိုင်ကြသူအားလုံးမှာတာဝန်ရှိပါတယ်”ဟု မြန်မာနိုင်ငံတော် ယာယီသမ္မတက ပြောသည်။
ထို့အတူ နှစ်နိုင်ငံဆက်ဆံရေးအတွက် သံတမန်တာ ဝန်ထမ်းဆောင်နေကြသူများရှိသကဲ့သို့ နိုင်ငံတော်အကျိုးကိုထမ်းဆောင်နိုင်ရန်အတွက် ပညာတော် သင်အဖြစ် လာရောက်ပညာသင်ကြားနေကြသူများ လည်းရှိ၍ မိမိတို့နိုင်ငံဖွံ့ဖြိုးတိုးတက်ရေးအတွက် တတ်နိုင်သည့်ဘက်မှ အားလုံးဝိုင်းဝန်းဆောင်ရွက်ကြရန်မှာကြားသည်။
ထို့နောက် မြန်မာနိုင်ငံတော်ယာယီသမ္မတမှ သံရုံး၊ စစ်သံရုံးမိသားစုများနှင့် ပညာတော်သင်များအ တွက် စားသောက်ဖွယ်ရာများနှင့် ဂုဏ်ပြုချီးမြှင့်ငွေများကို ပေးအပ်ချီးမြှင့်ခဲ့သည်။