တရုတ်နိုင်ငံကယ်ဆယ်ရေးအဖွဲ့က မြန်မာနိုင်ငံရှိ ငလျင်ဒဏ်ကြောင့် ပိတ်မိနေသူ(၆)ဦးကို ကယ်ဆယ်ပြီးဖြစ်သည်ဟု မြန်မာနိုင်ငံဆိုင်ရာ တရုတ်သံရုံးကယနေ့တွင် အသိပေးထားသည်။
မြန်မာနိုင်ငံရှိ တရုတ်အဖွဲ့အစည်း၊ ကုမ္ပဏီနှင့် စေတနာ့ဝန်ထမ်းများက သဘာဝဘေးအန္တရာယ် ကယ်ဆယ်ရေးလုပ်ငန်းများတွင် ကိုယ်တိုင် ထဲထဲဝင်ဝင် ပါဝင်လျက်ရှိကာ တရုတ်ကျေးလက်ဖွံ့ဖြိုးတိုးတက်ရေးဖောင်ဒေးရှင်း မြန်မာရုံးခန်းက မန္တလေးနှင့် နေပြည်တော်၌ ငလျင်ဒဏ်သင့်ပြည်သူ မိသားစု (၁,၀၀၀)အတွက် လူနေမှုဘဝပစ္စည်းများ လှူဒါန်းပေးလျက်ရှိကြောင်း အသိပေးချက်တွင်ဖော်ပြထားသည်။
ထို့အပြင် မြန်မာနိုင်ငံ တရုတ်လုပ်ငန်းရှင်များအသင်းက လှူဒါန်းငွေ မြန်မာကျပ် (၁) ဘီလီယံ (မြန်မာကျပ် ၁ ဒဿမ ၅ ဘီလီယံ) တန်ဖိုးရှိ ပစ္စည်းများကို ငလျင်ဒဏ်သင့်ပြည်သူများလက်ထဲသို့ ဆက်တိုက်ပို့ဆောင်ပေးလျက်ရှိသည်ဟု ဆိုသည်။
အလားတူ တရုတ်လုပ်ငန်းကုမ္ပဏီမှဝန်ထမ်းများက စေတနာ့ဝန်ထမ်းများအဖြစ် ကိုယ်တိုင်ပါဝင်ကာ ဘာသာပြန်၊ ထောက်ပံ့ပို့ဆောင်ရေး စသည့်ဝန် ဆောင်မှုဆိုင်ရာကိစ္စရပ်များကို လုပ်ဆောင်လျက်ရှိကြောင်း သိရသည်။
ထို့နည်းတူ တရုတ်တက္ကသိုလ်ကလည်း DeepSeek ကိုအခြေခံ၍ တရုတ်-မြန်မာ-အင်္ဂလိပ် အပြန်အလှန် ဘာသာပြန်ဆိုသောစနစ်ကို အရေးပေါ်ဖော်ဆောင်ခဲ့ပြီး၊ တစ်ကမ္ဘာလုံးရှိ တရုတ်စေတနာ့ဝန်ထမ်းများက ကယ်ဆယ်ပေးရန် အကူအညီတောင်းခံသော အချက်အလက်များအား လိုက်လံစုဆောင်း၍ တရုတ်၊ မြန်မာ၊ အင်္ဂလိပ် သုံးဘာသာဖြင့် ငလျင်ဒဏ်သင့်မှုအခြေအနေ တိုက်ရိုက်မြေပုံ（Live Map）ပြုလုပ်ကာ ကယ်ဆယ်ရေးအဖွဲ့အတွက် သတင်းအချက်အလက် ပံ့ပိုးမှုများ လုပ်ဆောင်ပေးခဲ့ကြောင်း အသိပေးချက်တွင် ဖော်ပြထားသည်။
မန္တလေးမြို့ခံပြည်သူများကလည်း တရုတ်ကယ်ဆယ်ရေးအဖွဲ့ဝင်များအတွက် အအေးနှင့်သောက်ရေများ ပေးဝေခဲ့ပြီး ကယ်ဆယ်ရေးအဖွဲ့ကို အားပေးလျက်ရှိနေသည်ဟု ဆိုသည်။