AFC Women’s Futsal Asian Cup 2025 ခြေစစ်ပွဲ အုပ်စုအဆင့်ဗိုလ်လုပွဲကို ယနေ့ ဇန်နဝါရီ (၁၉)ရက် မွန်းလွဲ(၂)နာရီ ၌ တရုတ်(တိုင်ပေ)နှင့် ဗီယက်နမ်အသင်းတို့၏ ယှဉ်ပြိုင်ကစားကြရာ တစ်ဖက်(၂) ဂိုးစီဖြင့် သရေရလဒ်ထွက်ပေါ်ခဲ့သည်။
ပထမပိုင်းပွဲချိန်အတွင်း (၂)ဂိုး(၁) ဂိုးဖြင့် တရုတ်(တိုင်ပေ) အသင်းက ဦးဆောင်ခဲ့သော်လည်း ဒုတိယပိုင်း ပွဲချိန်အတွင်း ဗီယက်နမ်အသင်းက ချေပဂိုး(၁)ဂိုးသွင်းယူ၍ သရေရလဒ်ထွက်ပေါ်ခဲ့ခြင်းဖြစ်သည်။
တရုတ်(တိုင်ပေ)အသင်းသည် အုပ်စုအဖွင့်ပွဲစဥ်၌ မကာအိုအသင်းကို (၁၈)ဂိုး ပြန်ဖြင့် သွင်းယူထားနိုင်ပြီး၊ ဗီယက်နမ်အသင်းသည် မြန်မာအသင်းကို (၅)ဂိုး (၁)ဂိုးဖြင့် အနိုင်ရရှိထားသည်။
ထို့အတူ အုပ်စု ဒုတိယအကျော့တွင် ဗီယက်နမ်အသင်းက မကာအိုအသင်းကို (၂၁)ဂိုးပြတ်ဖြင့် အနိုင် ရရှိပြီး ၊ တရုတ် (တိုင်ပေ)အသင်းသည် မြန်မာအသင်းကို (၄)ဂိုးပြတ်ဖြင့်အနိုင်ရရှိထားသည်။
ထို့ကြောင့် ယနေ့တွင် တရုတ်(တိုင်ပေ)နှင့်ဗီယက်နမ်အသင်းတို့ အုပ်စုဗိုလ်လုပွဲ ယှဉ်ပြိုင်ကစားကြရာ သရေရလဒ်ထွက်ပေါ်ခဲ့ကြခြင်းဖြစ်သည်။
AFC Women’s Futsal Asian Cup 2025 ခြေစစ်ပွဲ အုပ်စု (D)ပွဲစဉ်များကို ယခုလ ဇန်နဝါရီ(၁၅)ရက်မှ (၁၉)ရက်အထိ (၄)သင်းအုပ်စုပတ်ပွဲကို မြန်မာနိုင်ငံက အိမ်ရှင်နိုင်ငံအဖြစ်လက်ခံကျင်းပနေခြင်းဖြစ်သည်။