“တရုတ်ကွန်မြူနစ်ပါတီ (၂၀) ကြိမ်မြောက် ဗဟိုကော်မတီ၏ စတုတ္ထအကြိမ် စုံညီအစည်းအဝေးကို လေ့လာခြင်း နှင့် China Today မဂ္ဂဇင်း ထုတ်ဝေခြင်း ၇၅ နှစ်ပြည့်အထိမ်းအမှတ် ဆွေးနွေးပွဲ” ကျင်းပ

တရုတ်နိုင်ငံ၏ “၁၅ ကြိမ်မြောက် ငါးနှစ်စီမံကိန်း”တွင် ထုတ်လုပ်ရေးကဏ္ဍကို စီးပွားရေးရည်မှန်းချက်၏ထိပ်ဆုံး၌ ထားရှိထား

ယနေ့ နိုဝင်ဘာ ၂၁ ရက်တွင် “တရုတ်ကွန်မြူနစ်ပါတီ (၂၀) ကြိမ်မြောက် ဗဟိုကော်မတီ၏ စတုတ္ထအကြိမ် စုံညီအစည်းအဝေးကို လေ့လာခြင်း နှင့် China Today မဂ္ဂဇင်း ထုတ်ဝေခြင်း ၇၅ နှစ်ပြည့်အထိမ်းအမှတ် ဆွေးနွေးပွဲ” ကို မြန်မာနိုင်ငံဆိုင်ရာတရုတ်သံရုံး နှင့် China Media Group တို့မှ ကြီးမှူးကျင်းပကာ ရန်ကုန် တရုတ်ယဉ်ကျေးမှုစင်တာမှ ပံ့ပိုးကူညီမှုဖြင့် ရန်ကုန် တရုတ်ယဉ်ကျေးမှုစင်တာ၌ ကျင်းပခဲ့သည်။

အခမ်းအနားတွင် China Today မဂ္ဂဇင်း ၇၅ နှစ်တိုင်ခဲ့ခြင်းကို အခြေခံကာ တရုတ်-မြန်မာ ချစ်ကြည်ရင်းနှီးမှုအတွက် ကြိုးပမ်းအားထုတ်နေသော မီဒီယာများနှင့် ယဉ်ကျေးမှုနယ်ပယ်မှ ပုဂ္ဂိုလ်များအား ဖိတ်ခေါ်ဆွေးနွေးဖလှယ်မှုများ ပြုလုပ်ကာ၊ တစ်ဆက်တည်း၌ တရုတ်ကွန်မြူနစ်ပါတီ (၂၀) ကြိမ်မြောက် ဗဟိုကော်မတီ၏ စတုတ္ထအကြိမ် စုံညီအစည်းအဝေးတွင် ပုံဖော်ရေးဆွဲထားသော ဖွံ့ဖြိုးတိုးတက်ရေး လမ်းပြမြေပုံနှင့်ပတ်သက်၍ ပြောကြားခဲ့သည်။

မကြာသေးမီက “တရုတ်ကွန်မြူနစ်ပါတီ (၂၀) ကြိမ်မြောက် ဗဟိုကော်မတီ၏ စတုတ္ထအကြိမ် စုံညီအစည်းအဝေးကို ပေကျင်းမြို့၌ ကျင်းပခဲ့ကာ တရုတ်နိုင်ငံ၏ “၁၅ ကြိမ်မြောက် ငါးနှစ်စီမံကိန်း” ကို စတင်တော့မည်ဖြစ်ကြောင်း အသိပေးကာ ရှေ့လုပ်ငန်းစဉ်များကို ထုတ်ဖော်ပြောကြားခဲ့သည်။ အဆိုပါ လုပ်ငန်းစဉ်များတွင် အပိုင်း (၁၅) ပိုင်းဖြင့် ၆၁ ခန်း ပါဝင်ကြောင်းသိရသည်။ ထိုထဲတွင် တရုတ်နိုင်ငံ၏ထုတ်လုပ်ရေးကဏ္ဍကို စီးပွားရေးရည်မှန်းချက်၏ ထိပ်ဆုံး၌ ထားရှိထားကြောင်း ဖော်ပြချက်အရ တွေ့ရသည်။

အဆိုပါ တရုတ်နိုင်ငံ၏ဖွံ့ဖြိုးတိုးတက်ရေး ငါးနှစ်စီမံကိန်းခရီးစဉ်သစ်သည် တရုတ်နိုင်ငံ၏ အလယ်အလတ်နှင့် ရေရှည်ဖွံ့ဖြိုးတိုးတက်ရေးလမ်းကြောင်းနှင့် ပတ်သက်နေပြီး နိုင်ငံတကာအသိုင်းအဝိုင်း၏ အာရုံစိုက်မှုအပြည့်အဝရရှိထားသော စီမံကိန်းတစ်ခုဖြစ်သည့် အားလျော်စွာ တစ်ကြိမ်ထုတ်ပြန်တိုင်း အလေးထား စောင့်ကြည့်ရခြင်းဖြစ်သည်။

တရုတ်- မြန်မာချစ်ကြည်ရေးသည် ၇၅ နှစ်တိုင်ခဲ့သလို China Today Magazine သည်လည်း ၇၅ နှစ်တိုင် အဓွန့်ရှည်တည်တံ့နေခြင်းဖြစ်သည်။

တရုတ်-မြန်မာ သံတမန်ဆက်ဆံရေးထူထောင်ခဲ့သော ၁၉၅၀ ပြည့်နှစ်တွင် China Today မဂ္ဂဇင်းသည်လည်း တရုတ်-မြန်မာ နှစ်နိုင်ငံကြား ကဏ္ဍပေါင်းစုံတွင် ချစ်ကြည်ရင်းနှီးစွာ ကူးလူးဆက်ဆံခဲ့ပုံကို ခေတ်ကာလအဆက်ဆက်တွင် ဖော်ပြတင်ဆက်ခဲ့ခြင်းဖြစ်သည်။

ဆွေးနွေးပွဲကို အဓိကကဏ္ဍ (၃)ရပ်ခွဲကာ (၁) ပညာရှင်များမှ မူဝါဒများကို အဓိပ္ပါယ်ဖွင့်ဆိုခြင်း ကဏ္ဍ “ခွဲခြမ်းစိတ်ဖြာမှုနှင့် ဆွေးနွေးမှု – တရုတ်ကွန်မြူနစ်ပါတီ (၂၀) ကြိမ်မြောက် ဗဟိုကော်မတီ၏ စတုတ္ထအကြိမ် စုံညီအစည်းအဝေးတွင် ပုံဖော်ရေးဆွဲထားသော ဖွံ့ဖြိုးတိုးတက်ရေး လမ်းပြမြေပုံ၊ (၂) မီဒီယာကိုယ်စားလှယ်များမှ ဆွေးနွေးမျှဝေခြင်း ကဏ္ဍ “ထိုးထွင်းသိမြင်မှုနှင့် စဉ်းစားတွေးခေါ်သုံးသပ်မှု – ‘၁၅ ကြိမ်မြောက် ငါးနှစ်စီမံကိန်း’ ဆိုင်ရာ မီဒီယာ သတင်းဖော်ပြမှု စိတ်ကူးစိတ်သန်းသစ်များ” ၊ (၃) ကျောင်းသားများ ဆွေးနွေးခြင်းနှင့် စီစဉ်ဆောင်ရွက်ခြင်းကဏ္ဍ “ဘုံသဘောတူညီမှုနှင့် ရှေ့ခရီးလမ်း – တရုတ်အသွင်ပုံစံ ခေတ်မီမှု မှတစ်ဆင့် တရုတ်-မြန်မာချစ်ကြည်ရေးအတွက် အခွင့်အလမ်းသစ်များ ယူဆောင်လာခြင်း” စသည့် ခေါင်းစဉ်များဖြင့် သက်ဆိုင်ရာ နယ်ပယ်အသီးသီးမှာ တတ်သိပညာရှင်များမှ ကဏ္ဍအလိုက် အပြုသဘောဆောင် ဆွေးနွေးတင်ပြခြင်းများပြုလုပ်ကာ အခမ်းအနားပြီးမြောက်ခဲ့သည်။