ဒါကာ၊ ဖေဖော်ဝါရီ ၉
ဘင်္ဂလားဒေ့ရှ် ကြားဖြတ်အစိုးရသည် နိုင်ငံ၏ တရားဥပဒေစိုးမိုးရေး အခြေအနေကို စောင့်ကြည့်ရန် ပူးတွဲကွပ်ကဲရေးဌာနတစ်ခု ထူထောင်ခဲ့သည်။
ဘင်္ဂလားဒေ့ရှ် အကြံပေးအရာရှိချုပ်၏ ပြန်ကြားရေး အတွင်းဝန် ရှာဖိခူလ် အာလမ် က ဌာနသည် တစ်ရက်စော၍ စတင်ခဲ့ပြီး “Operation Devil Hunt” ကို ပိုမိုကောင်းမွန်စွာ ညှိနှိုင်းဆောင်ရွက်နိုင်ရန် တနင်္ဂနွေနေ့မှ စတင်လုပ်ဆောင်နေကြောင်း ပြောကြားခဲ့ပါသည်။
တရားဥပဒေစိုးမိုးရေး အေဂျင်စီများမှ အဖွဲ့ဝင်များအပြင် လက်နက်ကိုင်တပ်ဖွဲ့များမှ ကိုယ်စားလှယ်များက ကွပ်ကဲမှုဗဟိုဌာနတွင် လုပ်ဆောင်မည်ဖြစ်ကြောင်း ၎င်းက ပြောသည်။
ဗဟိုဌာန တည်ထောင်ပြီးနောက် နိုင်ငံ၏ တရားဥပဒေ စိုးမိုးရေး အခြေအနေ ကောင်းမွန်လာမည်ဟု မျှော်လင့်ပါကြောင်း ပြောကြားခဲ့သည်။
ဘင်္ဂလားဒေ့ရှ် ယာယီအစိုးရ၏ အကြံပေးအရာရှိချုပ် မိုဟာမက် ယူနွတ်စ်က နိုင်ငံ၏ တရားဥပဒေစိုးမိုးရေး အခြေအနေကို အထူးကြပ်မတ်စောင့်ကြည့်ရန် “ကွပ်ကဲရေးစင်တာ” တစ်ခု ဖန်တီးပေးရန် အစောပိုင်းက တောင်းဆိုခဲ့ကြောင်း သိရသည်။
ဘင်္ဂလားဒေ့ရှ် နိုင်ငံက “Operation Devil Hunt” ကို စနေနေ့က စတင်ခဲ့ပါတယ်။ အကြမ်းဖက်မှု၊ လူသ–တ်မှု၊ လုယက်မှု၊ လုယက်မှု ဖြစ်စဉ်များ သိသာထင်ရှားစွာ မြင့်တက်လာသည့် ဖြစ်ရပ်များ အကြားတွင် ပူးပေါင်းတပ်ဖွဲ့များ၏ ဆောင်ရွက်ချက် တစ်ခုလဲဖြစ်သည်။
Ref: ရှင်းဟွာ