တယ်လီကွန်းလိ-မ်လည်မှုများပြင်းထန်စွာနှိမ်နင်းရန်အရေးကြီး–တရုတ်

ရန်ကုန်၊ဖေဖော်ဝါရီ ၁၇

တရုတ်နှင့်မြန်မာကြား တရားဥပဒေစိုးမိုးရေးနှင့် လုံခြုံရေးပူးပေါင်းဆောင်ရွက်မှု ပိုမိုအားကောင်းလာစေရန် တယ်လီကွန်းနှင့်အွန်လိုင်းလိ-မ်လည်မှု၊လူကုန်ကူးမှုတို့ကဲ့သို့သော နယ်စပ်ဖြတ်ကျော် ရာဇဝတ်မှုများကို ပူးပေါင်းတိုက်ဖျက်ရန်သဘောတူခဲ့ကြကြောင်း မြန်မာနိုင်ငံဆိုင်ရာတရုတ်သံရုံးက ကြေငြာချက်တစ်ရပ်ထုတ်ပြန်ခဲ့သည်။

အွန်လိုင်းလေ-ာင်းကစားနှင့် တယ်လီကွန်းလိ-မ်လည်မှုကဲ့သို့သော တရားမဝင်ရာဇဝတ်မှုများအား ပြင်းပြင်းထန်ထန်နှိမ်နင်းရန် မြန်မာနိုင်ငံဘက်မှ အလေးထားကြောင်း အဆိုပါကြေငြာချက်တွင်ဖော်ပြထားသည်။

မြန်မာနိုင်ငံဆိုင်ရာတရုတ်သံအမတ်ကြီးနှင့် တရုတ်ပြည်သူ့ရေးရာ လုံခြုံရေးလက်‌ထောက်ဝန်ကြီးတို့သည် ဖေဖော်ဝါရီ ၁၄ ရက်က ဒုဝန်ကြီးချုပ် နိုင်ငံခြားရေးဝန်ကြီးဌာန ပြည်ထောင်စုဝန်ကြီးဦးသန်းဆွေနှင့် ပြည်ထဲရေးဝန်ကြီးဌာနပြည်ထောင်စုဝန်ကြီး ဒုတိယဗိုလ်ချုပ်ကြီးထွန်းထွန်းနောင်တို့နှင့် အသီးသီး တွေ့ဆုံဆွေးနွေးခဲ့ကြကြောင်းသိရသည်။

အဆိုပါဆွေးနွေးပွဲအတွင်း မြန်မာဘက်ကအွန်လိုင်းလောင်းကစားနှင့် တယ်လီကွန်းလိ-မ်လည်မှုတိုက်ဖျက်ရေးအတွက် တိကျသည့်အစီအမံများဖြင့် တရုတ်နှင့်နှစ်နိုင်ငံတည်းသာမက အိမ်နီးခြင်း နိုင်ငံများနှင့် နှစ်နိုင်ငံ အကြားနှင့် နိုင်ငံစုံ ပူးပေါင်းဆောင်ရွက်မှုများပါပြုလုပ်သွားမည်ဖြစ်‌ကြောင်းကြောင်းပြောကြားခဲ့သည်။

ဆက်လက်၍ တရုတ်နိုင်ငံကလည်း မြန်မာနှင့်ထိုင်းနိုင်ငံတို့ကဲ့သို့သော အိမ်နီးချင်းနိုင်ငံများနှင့် ပူးပေါင်းဆောင်ရွက်မှုကို တက်ကြွစွာဆောင်ရွက်သွားရန်ဆန္ဒရှိပြီး လွှမ်းခြုံသည့်အစီအမံများ ကို ချမှတ်ကာ ရာဇဝတ်မှုများကို ပူးပေါင်းတားဆီးရန်၊အွန်လိုင်းလေ-ာင်းကစားနှင့် တယ်လီကွန်းလိ-မ်လည်မှုကို အမြစ်ပြတ်ချေမှုန်းရန်ဆန္ဒရှိကြောင်းဆိုခဲ့သည်။

Source : ရှင်းဟွာ