နစက ဥက္ကဋ္ဌ၊ ဝန်ကြီးချုပ်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်မှတပ်မတော်စွမ်းရည်သတ္တိဆိုင်ရာ ဂုဏ်ထူးဆောင်တံဆိပ်နှင့်လက်မှတ်များချီးမြှင့်အပ်နှင်းခြင်းအခမ်းအနားတွင် ပြောကြားခဲ့ခြင်းဖြစ်သည်။
တပ်မတော်စွမ်းရည်သတ္တိဆိုင်ရာဂုဏ်ထူးဆောင်တံဆိပ်နှင့်လက်မှတ်များချီးမြှင့်အပ်နှင်းခြင်းအ ခမ်းအနားအား ဇန်နဝါရီ ၃ ရက်နံနက်ပိုင်းက နေ ပြည်တော်ရှိ ဇေယျာသီရိဗိမာန်၌ကျင်းပခဲ့ခြင်းဖြစ်သည်။
မိမိတို့တပ်မတော်သည် မြန်မာ့လွတ်လပ်ရေးကြိုး
ပမ်းမှုနှင့်အတူ ပေါက်ဖွားလာသည့် ပြည်ထောင်စုတပ်မတော်ဖြစ်ကာ မိမိတို့နိုင်ငံ၏ လွတ်လပ်ရေးရရှိအောင် ကြိုးစားခဲ့ရသည့်နည်းတူ လွတ်လပ် ရေးမဆုံးရှုံးရအောင် ထိန်းသိမ်းစောင့်ရှောက်ခဲ့ရသည့် တပ်မတော်လည်းဖြစ်သည်ဟု ဗိုလ်ချုပ်မှူးကြီးမင်းအောင်လှိုင်က ဆိုသည်။
ထို့ပြင် လွတ်လပ်သည့် အချုပ်အခြာအာဏာပိုင် နိုင်ငံတစ်နိုင်ငံအဖြစ်ရပ်တည်နိုင်ရန် တပ်မတော် သည် တိုင်းပြည်နှင့်လူမျိုးအတွက် ရှိသည့်အင် အား၊ရှိသည့်ခွန်အားများနှင့်အစွမ်းကုန်ဖြေရှင်းခဲ့ရသည်ဟု ဆိုသည်။
“ရောင်စုံသောင်းကျန်းသူတွေကြောင့် လွတ်လပ် ရေးကြီး ထပ်မံမဆုံးရှုံးရစေဖို့နဲ့ ပြည်ထောင်စုကြီး ပြိုကွဲပျက်စီးခြင်းမဖြစ်ရစေဖို့ တပ်မတော်သားတွေအနေနဲ့ အသက်ပေါင်းများစွာ ရင်းနှီးပေးဆပ်ပြီး ကာကွယ်ထိန်းသိမ်းခဲ့ကြပါတယ်”ဟု ဗိုလ် ချုပ်မှူးကြီးမင်းအောင်လှိုင်ကပြောသည်။
လွတ်လပ်ရေးရပြီးချိန်မှ ယနေ့ထိတိုင် တပ်မ တော်သည် သစ္စာ ၄ ချက်ကို ဦးထိပ်ပန်ဆင်ပြီး အစဉ်အလာ ၁၂ ရပ်နှင့်အညီ နိုင်ငံတော်၏ အမျိုး သားအကျိုးစီးပွားကို အကောင်အထည်ဖော် ဆောင်ရွက်ပေးလျက်ရှိသည်ဟု ဆိုသည်။
“တပ်မတော်ရဲ့ ခေတ်အဆက်ဆက် အမျိုးသားနိုင်ငံရေးတာဝန်ထမ်းဆောင်ခဲ့တာတွေကို လေ့ လာကြည့်မယ်ဆိုရင် နိုင်ငံတော်အတွက် အမှန်တ ကယ်လိုအပ်တဲ့ အမျိုးသားနိုင်ငံရေးတာဝန်တွေကိုပဲ ထမ်းဆောင်ခဲ့ခြင်းဖြစ်ပါတယ်”ဟု ဗိုလ်ချုပ်မှူးကြီးမင်းအောင်လှိုင်ကပြောသည်။
ထိုသို့ သမိုင်းပေးတာဝန်များအပေါ် ရဲဝံ့ပြောင်မြောက်သည့် သူရသတ္တိနှင့်အသက်သွေးချွေး ပေါင်းများစွာပေးဆပ်စွန့်လွှတ်ခဲ့ကြသူများအား နှစ်စဉ် လွတ်လပ်ရေးနေ့ရောက်တိုင်း နိုင်ငံတော်နှင့်တပ်မတော်က ဂုဏ်ပြုချီးမြှင့်မှုများ ပြုလုပ်ပေးလျက်ရှိသည်ဟု ဆိုသည်။