ကိုဗစ်ကာလတွင် ရပ်နားထားသည့် ဆူးလေရှန်ဂရီလာဟိုတယ်ကို ပြီးခဲ့သည့်ရက်ပိုင်းက ပြန်လည်ဖွင့်လှစ်ခဲ့ကြောင်း စုံစမ်းသိရှိရသည်။
သို့သော် ဆူးလေရှန်ဂရီလာဟိုတယ်၏ အထပ်တိုင်းကို မဖွင့်သေးပဲ အောက်ထပ် တစ်ထပ်တည်းသာ ဖွင့်ထားခြင်းဖြစ်ကြောင်း သိရသည်။
” ဟိုတယ်ရဲ့အထပ်တိုင်းကိုတော့ ပြန်မဖွင့်သေးဘူး။ အောက်ထပ်တစ်ထပ်တည်းကိုပဲ ဖွင့်တာပါ။ အစားအသောက်တန်းတစ်ခုတည်းကိုပဲဖွင့်တာပါ။ နေ့လည် ၁၁ နာရီကနေ ည ၉ နာရီအထိ ဖွင့်ပါတယ်” ဟု ဆူးလေရှန်ဂရီလာဟိုတယ်မှ ဝန်ထမ်းတစ်ဦးကပြောသည်။
ဆူးလေရှန်ဂရီလာဟိုတယ်ကို ၂၀၂၁ ခုနှစ် ဇန်နဝါရီလကုန် မှစတင်ပြီး လက်ရှိအချိန်ထိ ပိ-တ်ထားခဲ့သည်မှာ (၄)နှစ်ကျော်ရှိပြီဖြစ်သည်။
ယင်းကဲ့သို့ ပိ-တ်ထားခဲ့သော်လည်း ဟိုတယ်နှင့် ဆက်စပ်လျက်ရှိသည့် Sule Square Mall & Office ၊ Shangri-La Residences ကို ဆက်လက်ဖွင့်လှစ်ထားဆဲဖြစ်သည်။
ရန်ကုန်မြို့လယ်တွင် တည်ရှိတဲ့ ဆူးလေရှန်ဂရီလာဟိုတယ်တွင် အခန်းပေါင်း (၄၆၆) ခန်းရှိပြီး ယခင်က ကုန်သည်ကြီးများ ဟိုတယ်အမည်ဖြင့် ဟိုတယ်ဝန်ဆောင်မှုများပေးခဲ့ကာ ၂၀၁၄ ခုနှစ် တွင် ဟောင်ကောင်အခြေစိုက် ရှန်ဂရီလာအုပ်စုက ဆူးလေရှန်ဂရီလာအဖြစ် အမည်ပြောင်းလဲလုပ်ကိုင်ခဲ့ခြင်းဖြစ်သည်။
