တပ်မတော်ဆေးတက္ကသိုလ်၊ဗိုလ်လောင်းသင် တန်းအမှတ်စဥ်(၂၃)သင်တန်းဆင်းဂုဏ်ပြုစစ် ဆေးပြအခမ်းအနား၌ နစက ဥက္ကဋ္ဌ၊တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်ကပြောကြားခဲ့ခြင်းဖြစ်သည်။
၄င်းအခမ်းအနားအား ဒီဇင်ဘာ ၂၁ ရက်နံနက်ပိုင်းက ရန်ကုန်မြို့ရှိ တပ်မတော်ဆေးတက္က သိုလ်စစ်ရေးပြကွင်း၌ကျင်းပခဲ့ခြင်းဖြစ်သည်။
လွဲမှားသည့် စိတ်ခံစားချက်နှင့်လှုံ့ဆော်ချက်များကြောင့် ဆရာဝန်များ၏ ကတိသစ္စာပြုအဓိဋ္ဌာန် ၉ ချက်အားချိုးဖောက်ပြီး အချို့ကျန်းမာရေးဝန် ထမ်းများသည် နိုင်ငံအတွက် အရေးကြီးသည့် ကိုဗစ်(၁၉)ရောဂါ တတိယလှိုင်းကိုရင်ဆိုင်နေရချိန် ၌ ဆရာဝန်ကျင့်ဝတ်သိက္ခာကင်းမဲ့ပြီး ပြည်သူ လူထု၏ ကျန်းမာရေးစောင့်ရှောက်မှုလုပ်ငန်းများကို သစ္စာမဲ့စွာမျက်ကွယ်ပြုကျောခိုင်းခဲ့သည်ဟု ဗိုလ်ချုပ်မှူးကြီးမင်းအောင်လှိုင်ကပြောသည်။
“အဲဒီလိုလုပ်ရပ်တွေကြောင့် ပြည်သူတချို့ အသက်ဆုံးပါးခဲ့ရတာတွေကို စိတ်မကောင်းစရာ ကြုံတွေ့ခဲ့ရပြီးဖြစ်ပါတယ်”ဟု ဗိုလ်ချုပ်မှူးကြီးမင်းအောင်လှိုင်ကပြောသည်၊
“သစ္စာဆိုတဲ့စကားရဲ့ အဓိပ္ပါယ်က ကိုယ်နှုတ်နှလုံး သုံးပါးလုံးနဲ့ မှန်ကန်စွာစောင့်ရှောက်ဆောင်ရွက်ခြင်းဖြစ်ပါတယ်၊ သစ္စာတရားတည်ကြည်ခြင်းရဲ့ အကျိုးရလာဒ်နဲ့ ပြည့်ဝနေမှာဖြစ်သလို သစ္စာတရားပျက်ယွင်းခြင်းဟာ ဆုတ်ယုတ်ပျက်စီးခြင်းတွေနဲ့ ပြည့်နှက်နေမှာဖြစ်ပါတယ်”ဟု ဗိုလ်ချုပ်မှူးကြီးမင်းအောင်လှိုင်ကပြောသည်။
မိမိတို့နိုင်ငံအား နှောင့်ယှက်ဖျက်ဆီးလိုသည့် ပြည်တွင်းပြည်ပဆန့်ကျင်ဘက် လူပုဂ္ဂိုလ်အဖွဲ့အစည်းများက နိုင်ငံတော်တည်ငြိမ်မှုပျက်ပြားပြီး တရားဥပဒေစိုးမိုးမှုကင်းမဲ့ရန် ဆူပူဆန္ဒပြခြင်း၊ ခြိမ်းခြောက်အကြပ်ကိုင်ခြင်း၊အကြမ်းဖက်ဖျက် ဆီးခြင်း၊လက်နက်ကိုင်လမ်းစဉ်ကျင့်သုံးခြင်းများ လုပ်ဆောင်ခဲ့ကြသည်ဟု ဆိုသည်။
“အဲဒီအထဲမှာ ကိုဗစ်(၁၉)ရောဂါကြောင့် ကျန်းမာ ရေးဝန်ထမ်းလိုအပ်ချက်မြင့်မားနေချိန်မှာ ကျန်း မာရေးဝန်ထမ်းတချို့က အများပြည်သူရဲ့ကျန်း မာရေးစောင့်ရှောက်မှုလုပ်ငန်းတွေကို လျစ်လျူ ရှုတဲ့အပြင် ကိုယ်ကျိုးမငဲ့ကွက်ဘဲ ကျန်းမာရေး စောင့်ရှောက်မှုပေးနေသူတွေကို နည်းမျိုးစုံနဲ့ နှောင့်ယှက်ဟန့်တားဖျက်ဆီးတာတွေ ပြုလုပ်ခဲ့ခြင်းက သမိုင်းမှာဘယ်လိုမှဖျောက်ဖျက်မရတဲ့ အမည်းစက်တွေဖြစ်ပါတယ်”ဟု ဗိုလ်ချုပ်မှူးကြီးမင်းအောင်လှိုင်ကပြောသည်။
ယင်းအချက်များအား သင်ခန်းစာယူ၍ မိမိအဖွဲ့အစည်းနှင့်မိမိအလုပ်အပေါ် ကတိသစ္စာမြဲကြရန်၊ မိမိတို့စောင့်ထိန်းရမည့် ဆေးပညာကျင့်ဝတ်များကို ခါးဝတ်ပုဆိုးသဖွယ်မြဲကြရန် ဗိုလ်ချုပ်မှူးကြီးမင်းအောင်လှိုင်ကမှာကြားခဲ့သည်။
“သမားဇာနည် အောင်စစ်သည်”ဟူသည့် တပ်မ တော်ဆေးတက္ကသိုလ်၏ဆောင်ပုဒ်အတိုင်း နိုင်ငံ တော်နှင့်တပ်မတော်ကအားထားရမည့် ဆေးမှူးအရာရှိကောင်းများဖြစ်လာရန် ကိုယ်စွမ်းဉာဏ် စွမ်းရှိသမျှ ကြိုးစားအားထုတ်သွားရမည်ဟုလည်း မှာကြားခဲ့သည်။
ထို့ပြင် ပြောင်းလဲတိုးတက်လာသည့် ဆေးသိပ္ပံ ပညာရပ်များကို စဉ်ဆက်မပြတ်လေ့လာဆည်း ပူးသုတေသနပြု၍ နိုင်ငံတကာနှင့်ရင်ပေါင်တန်းနိုင်သည့် ဆေးဘက်ပညာရှင်များဖြစ်လာရန် သန္နိဋ္ဌာန်အပြည့်ဖြင့် ကြိုးစားဆောင်ရွက်ရမည်ဟု မှာကြားခဲ့သည်။
“တာဝန်ကျရာတပ်အသီးသီးက တပ်မတော်သားတွေ မိသားစုဝင်တွေနဲ့ ဒေသခံပြည်သူလူထုတွေရဲ့ ကျန်းမာရေးစောင့်ရှောက်မှုလုပ်ငန်းတွေမှာ အားသွန်ခွန်စိုက်ဆောင်ရွက်သွားကြဖို့ မှာကြားလိုပါတယ်”ဟု ဗိုလ်ချုပ်မှူးကြီးမင်းအောင်လှိုင်ကပြောကြားခဲ့သည်။
