စပိန်၊ ပေါ်တူဂီနှင့် ပြင်သစ်၏ အချို့ဒေသများတွင် လျှပ်စစ်ဓာတ်အား အကြီးအကျယ်ပြတ်တောက်မှုကြောင့် သန်းနှင့်ချီသော ပြည်သူတို့၏ နေ့စဉ်ဘဝများ နှောင့်နှေးခဲ့

တနင်္လာနေ့က စပိန်၊ ပေါ်တူဂီနှင့် ပြင်သစ်၏ အချို့ဒေသများ(ခဏတာ) တို့တွင် လျှပ်စစ်ဓာတ်အား အကြီးအကျယ်ပြတ်တောက်မှုကြောင့် လူသန်းပေါင်းများစွာ၏ နေ့စဉ်လုပ်ငန်းဆောင်တာများ ရပ်တန့်ခဲ့သည်။

ယာဉ်ကြောပိတ်ဆို့မှုများ – အလုပ်သွားအချိန်တွင် ရထားများရပ်နားခဲ့ပြီး လမ်းဆုံများတွင် မီးပွိုင့်များ မလင်းခဲ့။

ငွေကြေးနှင့် ဈေးဝယ်ခက်ခဲမှု – ATM နှင့် ကုန်စုံဆိုင်များတွင် ငွေချေစက်များ အလုပ်မလုပ်သဖြင့် ငွေသားဖြင့်သာ ဝယ်ယူနိုင်ခဲ့ပြီး လူတန်းကြီးများ ဖြစ်ပေါ်ခဲ့။

အင်တာနက်နှင့် ဆက်သွယ်ရေးပြတ်တောက် – စပိန်နှင့် ပေါ်တူဂီတစ်ဝှမ်းတွင် ဖုန်းနှင့်အင်တာနက်အသုံးပြုမှု ခက်ခဲခဲ့။

ယနေ့ အင်္ဂါနေ့ နံနက်ပိုင်းတွင် စပိန်နိုင်ငံ အမျိုးသားလျှပ်စစ်ကုမ္ပဏီက ကျွန်းဆွယ်ဒေသ၏ လျှပ်စစ်လိုအပ်ချက်အား ပြန်လည်ဖြည့်ဆည်းနိုင်ကြောင်း ကြေညာခဲ့သည်။ ပေါ်တူဂီတွင်လည်း REN လျှပ်စစ်နှင့်ဓာတ်ငွေ့ပေးသွင်းရေးကုမ္ပဏီက ၈၉ ခုမြောက် ဓာတ်အားခွဲစက်ရုံများအနက် ၈၅ ခုကို ပြန်လည်ဖွင့်လှစ်နိုင်ခဲ့ပြီး၊ Portimão ကမ်းခြေမြို့နှင့် လစ်စဘွန်မြို့တောင်ပိုင်းကဲ့သို့သော ဒေသများတွင် လျှပ်စစ်ဓာတ်အားမရရှိသေးပါ။ ပြင်သစ်တွင်မူ Basque ဒေသရှိ အိမ်ထောင်စုများအတွက် လျှပ်စစ်ဓာတ်အားပြန်လည်ရရှိခဲ့သည်။

စပိန်ဝန်ကြီးချုပ် Pedro Sánchez က မီးပြတ်တောက်မှု၏ အကြောင်းရင်းကို စုံစမ်းနေဆဲဖြစ်ကြောင်း ပြောကြားခဲ့သည်။ ပေါ်တူဂီ၏ E-Redes စွမ်းအင်ကုမ္ပဏီက “ဥရောပမဟာဓာတ်အားလိုင်တွင် ပြဿနာတစ်ခုဖြစ်ပွားခဲ့သည်” ဟု ဆိုသော်လည်း ဆိုက်ဘာတိုက်ခိုက်မှုနှင့် ရာသီဥတုဖောက်ပြန်မှုကဲ့သို့သော အချက်များမဟုတ်ကြောင်း သူကငြင်းဆိုခဲ့သည်။

စပိန်၏ မိုးလေဝသအေဂျင်စီ AEMET အရ မီးပြတ်တောက်ချိန်တွင် အပူချိန်မှာ ၆၀ -၇၀ ဒီဂရီဖာရင်ဟိုက် (၁၅ -၂၁°C) အတွင်းရှိခဲ့ပြီး နေ့လယ်ပိုင်းတွင် ၈၂ – ၈၇°F (၂၈-၃၀°C) အထိ မြင့်တက်ခဲ့သည်။ သို့သော် REN ၏ ပြောရေးဆိုခွင့်ရှိသူ ဘရူနိုဆီလ်ဗာကမူ အပူချိန်နှင့် ဆက်စပ်မှုရှိမရှိကို သံသယရှိကြောင်း ပြောကြားခဲ့သည်။

ဥရောပတွင် ယခင်က လျှပ်စစ်ဓာတ်အားပြတ်တောက်မှုများဖြစ်ပွားခဲ့ဖူးရာ အောက်ပါအတိုင်းဖြစ်ကြသည်။

• ၂၀၀၃ တွင် အီတလီနှင့် ဆွစ်ဇာလန်ကြား လျှပ်စစ်လိုင်းပျ-က်စီးမှုကြောင့် အီတလီနိုင်ငံသား ၅၀ သန်းကျော် တစ်ရက်လုံး လျှပ်စစ်ဓာတ်အားမရရှိခဲ့။
• ၂၀၀၆ တွင် ဂျာမနီ၏ မြောက်အနောက်ပိုင်း မဟာဓာတ်အားလိုင်းပျက်စီးမှုကြောင့် လူ ၁၀ သန်း လျှပ်စစ်ဓာတ်အားပြတ်တောက်ခဲ့။
• ၂၀၂၂ တွင် ဘောလ်ကန်ဒေသများ၌ အပူလှိုင်းကြောင့် လျှပ်စစ်ဓာတ်အားပြတ်တောက်မှုဖြစ်ပွားခဲ့။

ဥရောပ၏ မဟာဓာတ်အားလိုင်းများသည် တစ်ခုနှင့်တစ်ခု ချိတ်ဆက်ထားသောကြောင့် တစ်နေရာရှိ ပြဿနာသည် အခြားနိုင်ငံများသို့ ပျံ့နှံ့နိုင်လေသည်။