စစ်မှုထမ်းဟောင်းများအနေဖြင့် နိုင်ငံတော်တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးအတွက် တစ်ဖက်တစ်လမ်းကကြိုးပမ်းဆောင်ရွက်နိုင်ရေးကို လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီးဦးမြင့်ကြိုင်မှ ယနေ့ ဇန်နဝါရီ ၇ ရက်က ဧရာဝတီတိုင်း၊ မော်လမြိုင်ကျွန်းမြို့၌ စစ်မှုထမ်း ဟောင်းအဖွဲ့ဝင်များအားတွေ့ဆုံစဥ် ဆွေးနွေးပြောကြားခဲ့ခြင်းဖြစ်သည်။
ပြည်ထောင်စုဝန်ကြီးဦးမြင့်ကြိုင်မှ လက်ရှိနိုင်ငံတော်အစိုးရ၏ လုပ်ငန်းဆောင်ရွက်ချက်များ၊ ရွေးကောက်ပွဲကို အပိုင်းလိုက်ကျင်းပနေမှု၊ မော်လမြိုင်ကျွန်းမြို့နယ်သည် ရွေးကောက်ပွဲအပိုင်း(၃)၌ ကျင်းပမည့်အခြေအ နေနှင့် နိုင်ငံတော်၏ ကာကွယ်ရေးတာဝန်များကို ထမ်းဆောင်ခဲ့သည့် စစ်မှုထမ်းဟောင်းအဖွဲ့ဝင်များအနေဖြင့် နိုင်ငံတော်တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးအတွက် တစ်ဖက်တစ်လမ်းကကြိုးပမ်းဆောင်ရွက်နိုင်ရေးတို့ကို ဆွေးနွေးပြောကြားခဲ့သည်။
ထို့ပြင် စစ်မှုထမ်းဟောင်းအဖွဲ့ဝင်များ ရွေးကောက်ပွဲတွင် မှတ်ပုံတင်ကိုင်ဆောင်မဲပေးနိုင်ရေးနှင့် ပျေ-ာက်ဆုံး/ပျ-က်စီးပါက သက်ဆိုင်ရာလဝကရုံးသို့ဆက်သွယ်လျှောက်ထားဆောင်ရွက်နိုင်ရေးတို့ကိုလည်း ဆွေးနွေးပြောကြားခဲ့ပြီးနောက် စစ်မှုထမ်းဟောင်းအဖွဲ့ရုံး အ တွက် ဆိုလာမီးများနှင့် စားသောက်ဖွယ်ရာပစ္စည်းများအားထောက်ပံ့ပေးအပ်ခဲ့သည်။
ထို့ပြင် ပြည်ထောင်စုဝန်ကြီးဦးမြင့်ကြိုင်သည် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန မော်လမြိုင်ကျွန်းမြို့နယ်ဦးစီးမှူးရုံး၌ သန်းခေါင်စာရင်း၊ မှတ်ပုံတင် ပျက်စီး/ပျောက်ဆုံးသွားသည့် ဒေသခံများနှင့် အသက် (၁၈) နှစ်ပြည့် မှတ်ပုံတင် မလျှောက်ထားသေးသူများအား ပန်းခင်းစီမံချက်အဆင့် (၃) One Stop Service ဖြင့်ဆောင်ရွက်နေမှု၊ မှတ်ပုံတင်ရရှိပြီးသူများအား e-ID စနစ်ဖြင့် Biographic/ Biometric ကောက်ယူကာ Unique ID နံပတ်တစ်ပါတည်းဆောင်ရွက်ထုတ်ပေးနေမှုတို့ကိုလည်းကြည့်ရှုခဲ့သည်။
ထို့အတူ မော်လမြိုင်ကျွန်းမြို့၊ ချမ်းမြေ့ဘိုးဘွားရိပ်သာသို့သွားရောက်၍ ရိပ်သာမှတာဝန်ရှိသူများ၊ ဘိုး ဘွားများအားတွေ့ဆုံ၍ ရွေးကောက်ပွဲ၌ ဘိုးဘွားများ မဲပေးပိုင်ခွင့်မဆုံးရှုံးစေရေးနှင့် မှတ်ပုံတင်ကိုင်ဆောင်မဲပေးနိုင်ရေး၊ မှတ်ပုံတင် ပျေ-ာက်ဆုံး/ပျ-က်စီးပါက သက် ဆိုင်ရာ မြို့နယ်လဝကရုံးသို့ပြန်လည်လျှောက်ထားရယူကိုင်ဆောင်နိုင်ရေး၊ ဘိုးဘွားများ၏ နေထိုင်စားသောက်ရေးနှင့် ကျန်းမာရေးစောင့်ရှောက်မှုဆောင်ရွက် ပေးမှုတို့ကိုကြည့်ရှုမေးမြန်းပြီး အလှူငွေနှင့် စားသောက်ဖွယ်ရာများကို ဘိုးဘွားတစ်ဦးချင်းထံနှင့် ဘိုးဘွားရိပ်သာအတွက် ဆိုလာမီးများနှင့် စားသောက်ဖွယ်ရာများကိုပေးအပ်လှူဒါန်းခဲ့သည်။