စစ်ဘေးရှောင် ကျောင်းသား၊ ကျောင်းသူများကို တက္ကသိုလ်ဝင်စာမေးပွဲဖြေဆိုရက်မတိုင်ခင်တစ်ရက်၏ ညနေပိုင်းအထိစာရင်းပေးဖြေဆိုခွင့်ပြုထားသည်ဟု ပညာရေးဝန်ကြီးဌာန၊ ပြည် ထောင်စုဝန်ကြီးဒေါက်တာညွှန့်ဖေက ပြော သည်။
၎င်းမှ ဖေဖော်ဝါရီ ၂၈ ရက်က တက္ကသိုလ်ပါမောက္ခချုပ်များ၊ ပညာရေးဒီဂရီကောလိပ် ကျောင်းအုပ်ကြီးများ၊ တိုင်းဒေသကြီးနှင့် ပြည်နယ်ပညာရေးမှူးများနှင့်တွေ့ဆုံစဥ် ပြောကြားခဲ့ခြင်းဖြစ်သည်။
မိမိတို့နယ်မြေဒေသတွင်အခက်အခဲရှိ၍ လက်ရှိရောက်ရှိနေထိုင်ရာဒေသရှိ စာစစ်ဌာနတွင်ဖြေဆိုလိုသူ ကျောင်းသားများရှိပါက တက္ကသိုလ်ဝင်စာမေးပွဲဖြေဆိုရက်မတိုင်ခင်တစ်ရက်၏ ညနေပိုင်းအထိစာရင်းပေးသွင်းဖြေဆိုခွင့်ပြုထားသည်ဟု ပြောသည်။
ထို့ပြင် စာမေးပွဲဖြေဆိုမည့် ကျောင်းသား၊ ကျောင်းသူများ အဆင်ပြေစိတ်အေးချမ်းသာစွာ ဖြေဆိုခွင့်ရရှိရန် အခြေခံပညာရုံးရာထူးအဆင့်ဆင့်တာဝန်ရှိသူများက အစွမ်းကုန်ကူညီဆောင်ရွက်ပေးကြရမည်ဖြစ်ပြီး ပညာရှင်၊ပညာတတ်များမွေးထုတ်ပေးရာ ပညာရပ်ဝန်းကျင်တွင် မိမိတို့၏ကိုယ်နှုတ်ပြုမူချက်များ ထိန်းသိမ်းကြရမည်ဟု ပြောသည်။
” အမျိုးသားရေးစရိုက်လက္ခဏာတွေထိန်းသိမ်းရေးနဲ့ ဗလငါးတန်နဲ့ပြည့်စုံတဲ့ ပညာတတ်လူတော်တွေမွေးထုတ်ပေးနိုင်ဖို့အတွက် ဝိုင်းဝန်းလက်တွဲ ဆောင်ရွက်ပေးကြစေလိုပါတယ်။ ၂၀၂၄-၂၀၂၅ ပညာသင်နှစ် တက္ကသိုလ်ဝင်စာမေးပွဲကို ကျောင်းသား၊ ကျောင်းသူတွေ အေးချမ်းစွာဖြေဆိုနိုင်ဖို့နဲ့ စာမေးပွဲအောင်မြင်စွာကျင်းပနိုင်ဖို့အတွက် အ လေးထားဆောင်ရွက်ကြရပါမယ်”ဟု ပြည် ထောင်စုဝန်ကြီးဒေါက်တာညွှန့်ဖေက ပြော သည်။
ထို့နောက် ဒု-ဝန်ကြီးဒေါက်တာဇော်မြင့်၊ ဒု-ဝန် ကြီးဦးနေမျိုးလှိုင်၊ အဆင့်မြင့်ပညာဦးစီးဌာန ညွှန်ကြားရေးမှူးချုပ် ဒေါက်တာဝင်းထွန်း၊ အခြေခံပညာဦးစီးဌာန ညွှန်ကြားရေးမှူးချုပ်ဦးကျော်စွာသွင်တို့က သက်ဆိုင်ရာကဏ္ဍအလိုက် ရှင်း လင်းတင်ပြခဲ့ကြကြောင်း သိရသည်။