ရခိုင်ပြည်နယ်၊ စစ်တွေမြို့ရှိ စိုက်ပျိုးရေးဦးစီးဌာန၏ မျိုးသန့်ခြံ၌ ရခိုင်ပြည်နယ်အစိုးရအဖွဲ့၏ ၂၀၂၅- ၂၀၂၆ ဘဏ္ဍာရေးနှစ်ခွင့်ပြုရန်ပုံငွေဖြင့် စက်မှုလယ် ယာ စနစ်ကျလယ်မြေ(၄၀)ဧကကို ဖော်ထုတ်လျက်ရှိသည်။
ထိုသို့ ဖော်ထုတ်နေမှုအား ရခိုင်ပြည်နယ်ဝန်ကြီးချုပ်ဦးထိန်လင်းမှ ယနေ့ ဖေဖော်ဝါရီ ၁၄ ရက်နံနက်ပိုင်းကကြည့်ရှုစစ်ဆေး၍ သတ်မှတ်စံချိန်စံညွှန်းများနှင့်အညီ အ ချိန်မီပြီးစီးနိုင်ရေး စနစ်တကျဆောင်ရွက်ရန်မှာကြားခဲ့သည်။
၂၀၂၅-၂၀၂၆ ဘဏ္ဍာရေးနှစ် ရခိုင်ပြည်နယ်အစိုးရအ ဖွဲ့၏ ခွင့်ပြုရန်ပုံငွေဖြင့်ဆောင်ရွက်လျက်ရှိသည့် စက် မှုလယ်ယာ စနစ်ကျလယ်မြေ(၄၀)ဧက ဖော်ထုတ်ရေးလုပ်ငန်းများဆောင်ရွက်နေမှု၊ ဆောင်ရွက်ပြီးစီးနေမှု၊ ဆက်လက်ဆောင်ရွက်ရမည့်အစီအမံများ၊ နွေစပါး၊ မိုးစပါးနှင့်ဆောင်းသီးနှံများ စိုက်ပျိုးမည့်အစီအမံများကို တာဝန်ရှိသူများက ရှင်းလင်းတင်ပြခဲ့ကြသည်။
ထို့ပြင် စနစ်ကျလယ်မြေအတွင်း စိုက်ပျိုးရေရရှိရေးအ တွက် ဆောင်ရွက်မည့်အစီအမံများ၊ မျိုးသန့်ခြံအတွင်းမှ မြေအောက်ရေများတူးဖော်ကာ ရေစုကန်မှတစ်ဆင့် ကန်တော်ကြီးသို့ ရေအကူဖြည့်တင်းနေမှု၊ ဆက်လက်ဆောင်ရွက်ရမည့်အစီအမံများ၊ ရေစီးရေလာကောင်း မွန်ရေးအတွက် ရေမြောင်းများတူးဖော်ဆောင်ရွက်ရမည့်အစီအမံများကိုလည်း တာဝန်ရှိသူများက ရှင်း လင်းတင်ပြခဲ့ကြသည်။