စစ်ကိုင်းတိုင်းဒေသကြီးတွင် Grade-12 ဖြေဆိုမည့်ကျောင်းသား/ကျောင်းသူ (၆၅၈ )ဦးအား စုရပ်များအလိုက် Pfizer ကိုဗစ်-၁၉ ရောဂါကာကွယ်ဆေးထိုးနှံခြင်း ဆောင်ရွက်ခဲ့သည်ဟု သိရသည်။
ထိုသို့ထိုးနှံခြင်းကို မြို့နယ်ပြည်သူ့ကျန်းမာရေးဦးစီးဌာန၊ ပြည်သူ့ကျန်းမာရေး ဝန်ထမ်းများက ယမန်နေ့မေလ (၃၀) ရက်က ဆောင်ရွက်ပေးခြင်း ဖြစ်သည်။
လက်ရှိတွင် ကမ္ဘာ့နိုင်ငံအချို့နှင့် မြန်မာနိုင်ငံအပါအဝင်ဒေသတွင်းနိုင်ငံအချို့တွင် ရာသီတုပ်ကွေးရောဂါနှင့် ကိုဗစ် – ၁၉ ရောဂါ ကူးစက်ဖြစ်ပွားမှုများ လတ်တလောမြင့်တက်လာသည်ကို တွေ့ရှိရသည်ဟု ကျန်းမာရေးဝန်ကြီးဌာနက ပြောထားပြီး ဆေးသုတေသနဦးစီးဌာနမှ SARS CoV-2 မျိုးရိုး ဗီဇပြောင်းလဲမှုအား စဉ်ဆက်မပြတ် စောင့်ကြပ်ကြည့်ရှုလျက်ရှိသည်ဟု ဆိုသည်။
ယခုအထိတွေ့ရှိရသော ဗီဇပြောင်းပိုးများသည် ကမ္ဘာ့နိုင်ငံများတွင်လည်း ကူးစက်လျက်ရှိပြီး ပြင်းထန်မှုမရှိသည့် မျိုးကွဲများဖြစ်သည့်အတွက် လက်ရှိထိုးနှံပေးနေသော ကိုဗစ်- ၁၉ ရောဂါကာကွယ်ဆေးများဖြင့် ထိရောက်စွာကာကွယ်နိုင် ကြောင်းလည်း ကျန်းမာရေးဝန်ကြီးဌာနက အသိပေးထုတ်ပြန်ထားသည်။