KIA , PDF အဖွဲ့ဝင်များသည် ၂၀၂၂ ခုနှစ်၊နိုဝင် ဘာလနှင့်ဒီဇင်ဘာလအတွင်း စစ်ကိုင်းတိုင်းနှင့်ကချင်ပြည်နယ်ရှိ နေအိမ် ၁၁၂၂ လုံးအား မီးရှို့ဖျက်ဆီးခဲ့ကြသည်ဟု နစက ကထုတ်ပြန်ခဲ့သည်။
နစက ၏ထုတ်ပြန်ချက်အရ စစ်ကိုင်းတိုင်းနှင့်ကချင်ပြည်နယ်တို့ရှိ ကျေးရွာပေါင်း ၂၂ ရွာတွင် မီးရှို့ဖျက်ဆီးမှုကြောင့် မီးလောင်မှု ၂၃ ကြိမ်ဖြစ်ပွားခဲ့ကြောင်း သိရသည်။
စစ်ကိုင်းတိုင်းရှိ ကသာမြို့နယ်၊ထီးချိုင့်မြို့နယ်၊အင်းတော်မြို့နယ်များရှိ ကျေးရွာများနှင့်ကချင်ပြည်နယ်၊ရွှေကူမြို့နယ်ရှိ ကျေးရွာများမှ နေအိမ်များမီးရှို့ဖျက်ဆီးခံခဲ့ရခြင်းဖြစ်ကြောင်း သိရသည်။
KIA , PDF အဖွဲ့ဝင်များသည် တိုက်ပွဲဖြစ်ပွားသည့်ကျေးရွာများတွင် လုံခြုံရေးအဖွဲ့ဝင်များက ၎င်းတို့၏ နောက်သို့လိုက်ပါ၍ နှိမ်နင်းမှုများ မပြုလုပ်နိုင်ရန် ထွက်ပြေးရာလမ်းကြောင်းတစ်လျှောက်ရှိ နေအိမ်များအား မီးရှို့ထွက်ပြေးခြင်းဖြစ်ကြောင်း နစက ၏ထုတ်ပြန်ချက်အရ သိရသည်။
“PDF တွေကရွာထဲကနေဖြတ်သွားပြီးကျွန်တော့်အိမ်ကို မီးရှို့သွားတာပါ မနက်အစောကြီးက မီးရှို့ သွားတာ ကျွန်တော့်အိမ်တင်မဟုတ်ဘူး ဘေးကအိမ်တွေပါ မီးရှို့သွားတာပါ PDF တွေ ၂၀ / ၃၀ လောက်ရှိမယ် ကျွန်တော်မျက်စိနဲ့ မြင်လိုက် တယ် ယူနီဖောင်းတွေနဲ့ပါ တချို့ကလည်း အရပ်ဝတ်တွေနဲ့ပါ ကျွန်တော့်အိမ်ကို မီးရှို့သွားတာပါ ကလေးတွေတောင် လယ်တောထဲမှာပါ”ဟုဆူးပုတ်ကုန်းကျေးရွာမှရွာသားတစ်ဦးကပြောကြားခဲ့သည်ဟု နစက ၏ထုတ်ပြန်ချက်၌ရေးသားထားသည်။
ထို့ကြောင့် မီးရှို့ဖျက်ဆီးမှုများပြုလုပ်ခဲ့ကြသည့် KIA , PDF အဖွဲ့ဝင်များအား ဥပဒေအရထိရောက်စွာအရေးယူရန် လုံခြုံရေးအဖွဲ့ဝင်များက စုံစမ်းစစ်ဆေးမှုများပြုလုပ်လျက်ရှိကြောင်း သိရသည်။
